Utdrag frå olje- og energiminister Terje Riis-Johansen sin kalender for veke 34

Statsministeren og statsrådane har normalt følgjande faste postar i sine vekeprogram: Regjeringskonferanse på statsministerens kontor måndag og torsdag kl 12.15, og  Statsrådets møte på Slottet fredag kl 11.00. Det kan bli endringar i programmet.


Måndag 23.august
Olje- og energiminister Terje Riis-Johansen deltek under opninga av Zero Emission Rally, kor det òg vert utstilling av klimavennlege bilar. Rallyet startar klokka 14.00 frå Rådhusplassen i Oslo, og vil gå over tre dagar. Det vert avslutta i Stavanger 25.august i samband med oljemessa ONS. 

Seinare same dag deltek olje- og energiminister Terje Riis-Johansen på ONS (Offshore Northern Seas) 2010 i Stavanger. Olje- og energiministeren deltek på ONS frå måndag til onsdag.

Tysdag 24. august
Olje- og energiminister Terje Riis-Johansen er på ONS 2010. Han følgjer HM Kongen på omvisning i utstillingen, og frå klokka 14.00 deltek han på den offisielle opninga.

Onsdag 25. august
Klokka 09.00 held statsråden sitt innlegg på ONS-konferansen ”Energy for More People”. Seinare på dagen skal Riis-Johansen dele ut prisar under innovasjonslunsjen og sjå utstillinga på messa.

I samband med messa skal han ha samtalar med ein rekke utanlandske energiministrar.

Olje- og energiministeren vil vere tilgjengeleg for pressa onsdag klokken 10.40 på Myndighetsstanden på plass 606 i hall F.

Pressekontakt for Riis-Johansen er kommunikasjonsrådgjevar Håvard Hegna, tlf. 90 94 34 44.

Meir informasjon om statsråden sitt program under ONS.


Fredag 27. august
Olje- og energiminister Terje Riis-Johansen og konsernsjef i Statkraft Christian Rynning-Tønnesen inviterar til den norske lanseringa av Energy Technology Perspectives 2010 (ETP 2010). Sjefen i det internasjonale energibyrået (IEA), Nobuo Tanaka, er invitert til lanseringa.

Lanseringa skjer frå kl. 09.00 på Felix Konferansesenter, Bryggetorget 3, på Aker Brygge i Oslo.