Forsøksordning: Betre og billigare førarkortopplæring i distrikta

Fleire vidaregåande skolar i distrikta blir inviterte til å delta i ei frivillig forsøksordning der skolane skal tilby førarkortopplæring, i eller utanfor vanleg skoletid. Forsøka skal leggjast til skolar som ligg langt unna større tettstader og som har lang veg til vanleg køyreskole. Samferdselsdepartementet, i samarbeid med Kommunal- og regiondepartementet, skal setje i gang forsøka 1.1 2007. Forsøka skal gjennomførast fram til årsskiftet 2008/2009.

– Eg er opptatt at tilbodet med føraropplæring i vidaregåande skole skal ha positive verknader for trafikktryggleiken. Det er og eit mål at elvane skal sleppe å reise så langt for ta førarkoretopplæring. Tilbodet kan dermed føre til mindre fråvere frå den vanlege skolen og til lågare samla kostnader for den skal gjennomføre førarkortopplæring, seier samferdselsminister Liv Signe Navarsete.

- Unge er ei viktig målgruppe i distrikts- og regionalpolitikken. Vi er opptekne av å leggje til rette for at dei som ønskjer det kan busetje seg utanfor dei større tettstadene og byområda. Dette prosjektet vil bidra til å gjere tenestetilbodet for ungdom i distrikta meir tilgjengelig slik at det også blir meir attraktivt å bu på mindre stader, seier kommunal- og regionalminister Åslaug Haga.

I første runde vert desse skolane med på forsøket:

• Grong videregående skole (Nord-Trøndelag)
• Firda videregåande skule (Sogn og Fjordane)
• Nord-Gudbrandsdal vidaregåande skule avd. Lom (Oppland)
• Trysil videregående skole (Hedmark)
• Knut Hamsun videregående skole (Nordland)
• Vest-Telemark vidaregåande skule (Telemark)

Til redaksjonen

For fleire opplysningar – kontakt:

Statssekretær Inge Bartnes, Kommunal- og regionaldepartementet, tlf. 95 23 67 48

Konstituert statssekretær Erik Lahnstein, Samferdselsdepartementet, tlf. 22 24 81 07/90 56 28 93