Samferdselsdepartementet: Forskning og utvikling av hydrogen som energiberar i transportsektoren
Historisk arkiv
Publisert under: Regjeringen Stoltenberg II
Utgjevar: Samferdselsdepartementet
Pressemelding | Dato: 31.05.2006 | Sist oppdatert: 05.10.2006
- Vi vil halde fram med å støtte opp om forskning og utvikling av hydrogen som eit alternativt, framtidsretta og miljøvennleg drivstoff for køyretøy, sa samferdselsminister Liv Signe Navarsete, da ho i dag la ned grunnsteinen for hydrogenstasjonen på Herøya i Grenland. (31.05.06)
Pressemelding
Nr.: 40/06
Dato: 31.05.06
Samferdselsdepartementet: Forskning og utvikling av hydrogen som energiberar i transportsektoren
- Vi vil halde fram med å støtte opp om forskning og utvikling av hydrogen som eit alternativt, framtidsretta og miljøvennleg drivstoff for køyretøy, sa samferdselsminister Liv Signe Navarsete, da ho i dag la ned grunnsteinen for hydrogenstasjonen på Herøya i Grenland.
- Samferdselsdepartementet vil innføre ei ordning der miljøvenlege hydrogenbilar skal merkast med kjenneteiknet HY. Dette kan til dømes gi slike bilar rett til å køyre i kollektivfeltet, på lik line med den ordninga som alt gjeld for el-bilar, sa samferdselsministeren.
Over 2006-budsjettet til Samferdselsdepartementet er det sett av om lag 22 millionar kroner til støtte for prosjekter for utvikling og bruk av alternative drivstoff og miljøvennleg teknologi i transportsektoren.
Midlane frå Samferdselsdepartementet går til programmet "RENERGI - Framtidas reine energisystem," i regi av i Norges forskningsråd. For 2006 er det over statsbudsjettet løyvd i alt 155 millionar kroner til dette programmet.
Ein vesentleg del av desse midlane går til prosjektet HyNor og har gjort det mogleg å etablere fyrste del av hydrogenvegen mellom Oslo og Stavanger. Dei fyrste hydrogenbilane kan rulle på vegane allereie i 2006. Det blir opning av fyllstasjon for hydrogen i Stavanger 23. august i år, og i dag la samferdselsminister Liv Signe Navarsete ned grunnsteinen for hydrogenstasjonen på Herøya i Grenland.
Til redaksjonen:
For meir informasjon - sjå:
nettsidene til Norges Forskningsråd, forskningsprogrammet RENERGI
nettsidene til Hydro, med opplysningar om hydrogen og hydrogenprosjekt
felles pressemelding av 20.12.05 frå Olje- og energidepartementet og Samferdselsdepartementet, "Satsing på hydrogen: Strategisk råd oppnevnt"