Samferdselsminister Liv Signe Navarsete: Betre kollektivtransport og mindre bilbruk i storbyområda

- For å betre miljø- og trafikkforholda i storbyområda er det nødvendig å styrkje kollektivtransporten, samtidig som ein tar i bruk effektive tiltak for å dempe veksten i personbiltrafikken.

Dette seier samferdselsminister Liv Signe Navarsete i samband med at Samferdselsdepartementet i dag har fordelt alt 150 millionar kroner frå den statlege belønningsordninga for betre kollektivtransport og mindre bilbruk i storbyområda.

Midlane blir overførte til kommunar og fylkeskommunar og skal nyttast til tiltak for å styrkje konkurranseevna til kollektivtransporten.

Midlane er fordelte slik:

Oslo-området: 60 millionar kroner
Bergen-området: 25 millionar kroner
Trondheim-området: 10 millionar kroner
Kristiansand-området: 25 millionar kroner
Stavanger-/Nord-Jæren-området: 25 millionar kroner
Tromsø: 5 millionar kroner

- Ved tildelinga av midlar har Samferdselsdepartementet lagt hovudvekt på dei faktiske resultata som kvart einskild byområde har oppnådd når det gjeld å auke talet på kollektivreiser og dempe trafikken med personbil. I tillegg har ein mellom anna vurdert i kva monn storbyområda verkeleg tar i bruk tiltak som er med på dempe bruken av personbil, seier samferdselsminister Liv Signe Navarsete.

Til redaksjonen

For fleire opplysningar og nærmare grunngjeving for tildeling av midlar - sjå brev av 22. mars 2006 frå Samferdselsdepartementet til:

Oslo kommune
Bergen kommune
Trondheim kommune
Vest-Agder fylkeskommune
Rogaland fylkeskommune
Troms fylkeskommune