Samferdselsminister Liv Signe Navarsete: Tryggare trafikk med målretta tiltak
Historisk arkiv
Publisert under: Regjeringen Stoltenberg II
Utgjevar: Samferdselsdepartementet
Pressemelding
Pressemelding | Dato: 02.01.2006 | Sist oppdatert: 05.10.2006
- Utviklinga med nedgang i talet på drepne og livsvarige skadde i vegtrafikken er eit resultat av arbeid med bruk av tiltak over eit breidt felt, seier samferdselsminister Liv Signe Navarsete. (02.01.06)
Pressemelding
Nr.: 01/06
Dato: 02.01.06
Samferdselsminister Liv Signe Navarsete: Tryggare trafikk med målretta tiltak
- Utviklinga med nedgang i talet på drepne og livsvarige skadde i vegtrafikken er eit resultat av arbeid med bruk av tiltak over eit breidt felt. I tida framover er det mellom anna viktig å leggje enda sterkare vekt på å unngå dei alvorlege møte- og utforkjøringsulykkene og ulykker med mjuke trafikantar. Det er elles nødvendig å styrkje bruken av verkemiddel som viser seg å gi positive resultat, til dømes bruk av bilbelte, betre sikring av alle i bil og buss og effektive trafikkontrollar. Målretta informasjonstiltak, god trafikkopplæring, rassikring og bygging av nye og meir trafikksikre vegar, er også viktige delar i arbeidet med å redusere ulykkestala.
Dette seier samferdselsminister Liv Signe Navarsete i ein kommentar i samband med at det no er lagt fram tal om trafikkulykker på vegane i 2005.