Innlegg om alternativ finansiering av samferdselsprosjekt
Historisk arkiv
Publisert under: Regjeringen Stoltenberg II
Utgjevar: Samferdselsdepartementet
Nationen, 30. august 2008
Tale/innlegg | Dato: 30.08.2008
Innlegg av samferdselsminister Liv Signe Navarsete i Nationen om alternativ finansiering av samferdselsprosjekt, publisert 30. august 2008.
Alternativ finansiering av samferdselsprosjekt
Nationen har den 29. august eit oppslag der eg er intervjua om bruk av alternativ finansiering av samferdselsinvesteringar.
Overskrifta gjev dessverre eit uriktig inntrykk av kva eg meiner og kva eg faktisk seier i sjølve intervjuet, når det gjeld offentleg-privat-samarbeid (OPS) og prosjektfinansiering.
Det er altså ikkje noko grunnlag for å hevde at eg ”Avviser nye finansieringsmåtar”, slik det står i overskrifta.
Som det går fram av sjølve artikkelen, meiner eg at prosjektfinansiering kan vere godt eigna for enkelte store utbyggingsprosjekt for å sikre samanhengande utbygging. Men prosjektfinansiering er lite eigna for mange mindre prosjekt.
Eg er altså ikkje prinsipiell motstandar av alternativ finansiering, i form av til dømes OPS og prosjektfinansiering. Slike finansieringsmåtar kan vere eit supplement til løyvingar over statsbudsjettet.
Regjeringa vil i stortingsmeldinga om Nasjonal transportplan 2010-2019 kome nærare tilbake til bruk av alternativ finansiering av investeringar innanfor samferdselssektoren.