Fart tek liv – alle må ta ansvar

Aftenposten skriv på leiarplass 24. august om kampen for å få ned tala på drepne og skadde i trafikken.

Eg er glad for at leiaren peikar på det stort ansvaret som kviler på alle som set seg bak rattet. Trafikktryggleik er svært viktig. Vi har ingen å mista! Årsakene til trafikkulukkene er samansette. Difor må også løysingane vera det.

Det er kombinasjonen tryggare trafikantar, tryggare vegar og tryggare bilar som er det mest effektive. Regjeringa arbeider på alle tre frontar. Vi har blant anna lagt opp til 250 nye kilometer med midtrekkverk og 500 kilometer med andre midtfeltstiltak langs vegnettet dei neste ti åra.

Køyring i ruspåverka tilstand, anten det er snakk om alkohol eller andre rusmiddel, skapar mange ulukker. Difor skal vi no i gang med testing av såkalla narkometer.

Ferske ulukkesanalysar viser at om alle held fartsgrensene, vil vi få 50 færre drepne og 150 færre hardt skadde kvart år.

Om alle brukar bilbelte, sparer vi 40 liv kvart år.

Slike små grep i kvardagen kostar så lite – men gjer stor skilnad!