NSB vil utbetra tilhøva
Historisk arkiv
Publisert under: Regjeringen Stoltenberg II
Utgjevar: Samferdselsdepartementet
16.april 2010, Dagens Næringsliv
Tale/innlegg | Dato: 16.02.2010
Innlegg av samferdselsminister Magnhild Meltveit Kleppa, publisert 16. februar 2010 i Dagens Næringsliv.
Eg takkar Georg Apenes for velskrive innlegg om jernbanen i Dagens Næringsliv 8. februar. Apenes har rett i at eg har stor medkjensle med togpendlarane. Situasjonen i vinter har ikkje vore haldbar.
Heldigvis er mykje positivt på gang. Det blir arbeidd med infrastrukturen, mellom anna skal det byggjast dobbeltspor til Ski. NSB har mange nye togsett i bestilling, og mange er under oppussing.
Temperaturen på toga er det vanskeleg for meg å svara for, men ingen skal måtta frysa på norske tog. Eg har sendt innlegget til Apenes over til NSB og kjenner meg trygg på at NSB vil utbetra tilhøva så raskt som råd.