Statsministeren besøkjer India
Historisk arkiv
Publisert under: Regjeringen Stoltenberg II
Utgjevar: Statsministerens kontor
Nyheit | Dato: 05.02.2010
Statsminister Jens Stoltenberg er i India, der han i dag held eit av hovudinnlegga på Delhi Sustainable Development Summit 2010. Stoltenberg har i tillegg hatt klimasamtalar med Indias statsminister Manmohan Singh.
Statsminister Jens Stoltenberg er i India, der han i dag held eit av hovudinnlegga på Delhi Sustainable Development Summit 2010. Klimakonferansen vert arrangert av forskingsinstituttet TERI, som vert leia av Nobelprisvinnar Dr. Rajendra Pachauri.
Stoltenberg har i tillegg hatt samtalar med Indias statsminister Manmohan Singh, der dei diskuterte det vidare arbeidet etter klimatoppmøtet i København.
Torsdag besøkte Stoltenberg eit solcelleprosjekt i Uttar Pradesh, der selskapet Scatec Solar har gitt fleire landsbyar tilgang til elektrisitet ved hjelp av solceller. Prosjektet vert no utvida frå to til 32 landsbyar. Noreg og India finansierer utvidinga, saman med selskapet Scatec Solar.
Statsminister Jens Stoltenberg hadde torsdag samtalar med Indias statsminister Manmohan Singh, der dei diskuterte det vidare arbeidet etter klimatoppmøtet i København. Foto: Den norske ambassaden, Dehli.