Arne Nordheim vert gravlagt på statens kostnad

Regjeringa har bestemt at Arne Nordheim, som døydde 5. juni, skal ærast med gravferd på statens kostnad.

– Arne Nordheim vil bli hugsa som ein av våre fremste samtidskomponistar og ein frontfigur for den musikalske etterkrigsmodernismen. Nordheim har utmerka seg som både komponist, skribent og musikkpolitikar. Ei rekkje ærevisingar vitnar om Nordheims nasjonale og internasjonale betydning, seier statsminister Jens Stoltenberg.

Det er familien som fastset tid og stad for gravferda.