Feiring av kongeparets 75-årsdagar

Torsdag 31. mai vil det vera fleire arrangement i samband med kongeparets 75-årsdagar i 2012. Programmet for dagen ser foreløpig slik ut:

Kl. 13.30: Hans Majestet Kongens Garde har vaktskifte på Slottsplassen.
Kl. 14.00: Hans Majestet Kongens Garde har drilloppvising på Slottsplassen.
               Kongefamilien er til stades på Slottsbalkongen.

Kl. 16.00: Festgudsteneste i Oslo Domkyrkje.

Kl. 19.30: Regjeringa inviterer til feiring av kongeparet på Operataket.

Priv. til red.:
Informasjon til presse som er interessert i å dekka arrangementa i Oslo 31. mai:

Kl. 13.30: Vaktskifte og drilloppvising på Slottsplassen. Kontakt Slottets kommunikasjonssjef Marianne Hagen eller assisterande kommunikasjonssjef Sven Gj. Gjeruldsen for meir informasjon.

Kl. 16.00: Festgudsteneste i Oslo Domkyrkje. Ein pool av fotografar kan jobba inne i kyrkja. Kontakt Oslo Domkyrkje v. Sander Bergh, på e-post eller telefon 926 82 165.

Kl. 19.30: Feiring på Operataket. Ein pool av fotografar kan jobba når kongefamilien kjem til Operaen og under arrangementet. Arrangementet vert også vist direkte på NRK fjernsynet. Arrangementet vert avslutta om lag kl. 21.15.

Me ber om at pressefolk som ønskjer å vera til stades på Operataket melder frå til smkinfo@smk.dep.no innan fredag 25. mai.

Pressekontaktar er kommunikasjonssjef Trude Måseide, telefon 957 26 510 og kommunikasjonsrådgjevar Arvid Samland, telefon 930 51 458.

• Twitter: #kongeparet75 og #operataket