Statsministerens program veke 22

Statsministeren og statsrådane har normalt desse faste postane i
vekeprogrammet: regjeringskonferanse måndag og torsdag kl. 12.30 og statsråd på Slottet fredag kl. 11.00.

Onsdag 30. – torsdag 31. mai: Toppmøte i Austersjørådet
Statsministeren deltek på toppmøte i Austersjørådet i Stralsund i Tyskland. Tysklands forbundskanslar Angela Merkel er vert for møtet og alle regjeringssjefane i medlemslanda er venta å delta. Eit hovudtema på møtet blir spørsmål om energisikkerheit for landa rundt Austersjøen. Meir informasjon om Austersjørådet.

Torsdag 31. mai: Feiring av kongeparets 75-årsdagar
Statsministeren vil delta på fleire arrangement i samband med feiringa av kongeparets 75-årsdagar i 2012.

Kl. 16.00: Festgudsteneste i Oslo Domkyrkje.
Kl. 19.30: Regjeringa inviterer til feiring av kongeparet på Operataket.

Sjå eiga pressemelding.

Pressekontaktar er kommunikasjonssjef Trude Måseide, telefon 957 26 510 og kommunikasjonsrådgjevar Arvid Samland, telefon 930 51 458.

Nordisk statsministermøte 10.-11. juni
Nordisk statsministermøte finn stad sundag 10. og måndag 11. juni. I år skal dei fem statsministrane besøkje Å og Nusfjord i Lofoten, før dei reiser vidare med Hurtigruten nordover til Tromsø. Statsministrane frå Sverige, Danmark, Finland, Island og Noreg møtast årleg for å diskutere nordiske, europeiske og internasjonale spørsmål.

Me ber om at redaksjonar som ønskjer og dekkje det nordiske statsministermøtet, søkjer akkreditering for journalistar og fotografar til: smkinfo@smk.dep.no innan onsdag 30. mai kl. 1200. Me gjer merksam på at nokre av programpostane har eit avgrensa tal med plassar, og at det i desse tilfella blir oppretta pressepool.

Pressekontakt er kommunikasjonssjef Trude Måseide, telefon 957 26 510.