Burma-forskrifta er oppdatert
Historisk arkiv
Publisert under: Regjeringen Stoltenberg II
Utgjevar: Utenriksdepartementet
Nyheit | Dato: 19.04.2006 | Sist oppdatert: 05.10.2006
UD har endra forskrifta om særlege tiltak mot Burma, mellom anna er våpenembargoen utvida. Endringane kjem som følgje av endringar i EU sine tiltak mot Burma.
- våpenembargoen er utvida til å omfatte finansiering og fagleg hjelp knytta til militært materiell og militære aktivitetar
- påbodet om frysing og forbodet mot å gjere tilgjengeleg midlar for listeførte personar knytta til Burmas militærregime, er utvida til å omfatte økonomiske ressursar som fast eigedom, lausøyre, immaterielle rettar mv.
- samstundes er det innført ei rekkje unntak frå påbodet om frysing og forbodet mot å gjere tilgjengeleg midlar og økonomiske ressursar, mellom anna for dekking av nødvendige utgifter til mat og bustad
- det er innført forbod mot økonomisk engasjement i listeførte burmesiske statseigde føretak.
Endringane er ei oppfølgjing av endringar EU har gjort i sine tiltak mot Burma etter at forskrifta vart vedteken, som Noreg og ei rekkje andre europeiske land har slutta opp om.
Brot på forskrifta er straffbart.
Endringane tek til å gjelde straks, og den reviderte forskrifta vil om kort tid vere tilgjengeleg på Lovdata.