Noreg og EU-kommisjonen har inngått ei bilateral avtale om fisket etter norsk vårgytande sild for 2006.

Etter avtala kan Noreg fiske 564.200 tonn sild i 2006. EU kan fiske 62.000 tonn. EU får løyve til å fiske heile kvota si i norsk økonomisk sone og i fiskerisona rundt Jan Mayen. Det vert óg slutt på forbodet mot å lande sild fanga med farty fra EU i Noreg.

- Regjeringa helsar velkomen at Noreg og EU har fått på plass ei avtale om norsk vårgytande sild, som i tillegg til å leggje til rette for langsiktig og bærekraftig fiske på sildebestanden, óg legg grunnlag for ytterligare styrking av det bilaterale fiskerisamarbeidet mellom Noreg og EU, seier utenriksminister Jonas Gahr Støre.

Tidlegare i haust lukkast ein ikkje å få til ei fempartsavtale om forvaltinga av norsk vårgytande sild, som ville omfatte alle kyststatane. Noreg har gjennom avtala med EU og tidligare gjennom Russlandsavtala sikra at tre av kyststatane avgrensar sitt fiske.

- Avtala med EU legg til rette for stabilitet i uttaket etter norsk vårgytande sild. Avtala inneber óg at normale forhold når det gjeld landing og handel med sild vert gjenoppretta. Eg ser for meg at dette vil vera til stor nytte både for fangst- og landsida, seier fiskeri- og kystminister Helga Pedersen.