Regjeringa løyver 4.666.145 kroner til Kronprinsparets Humanitære Fond. Summen tilsvarer ei krone pr. innbyggjar i Noreg pr. 25. august 2006. Bidraget vart offentleggjort under markeringa av Kronprinsparets fem års bryllaupsdag i Spikersuppa i dag.

– Kronprinsparet har i mange år engasjert seg i humanitært arbeid både i inn- og utland. Det er ei glede for Regjeringa å støtte dette viktige solidaritetsarbeidet, seier utviklingsminister Erik Solheim.