Noreg legg til rette for samtalar om Sri Lanka i Sveits
Historisk arkiv
Publisert under: Regjeringen Stoltenberg II
Utgjevar: Utenriksdepartementet
Pressemelding | Dato: 10.10.2006 | Sist oppdatert: 30.10.2006
– Det er positivt at partane møtes til direkte samtalar. Dei tek på ny eit lite men viktig steg for å føre prosessen vidare, sjølv om situasjonen framleis er spent, seier utviklingsminister Erik Solheim. (11.10.06)
Pressemelding
Nr.: 130/06
Dato: 10.10.06
Noreg legg til rette for samtalar mellom styresmaktene på Sri Lanka og dei tamilske tigrane 28.-29. oktober 2006, i Sveits
Partane til fredsprosessen på Sri Lanka, styresmaktene og dei tamilske tigrane (LTTE), har avgjort å kome til forhandlingsmøte 28.-29. oktober i Sveits – og har tilskunda Noreg å legge til rette for eit slikt møte.
– Eg er takksam for sveitsiske styresmakter si sterke støtte til fredsprosessen i Sri Lanka og at dei er villige til å arrangere eit nytt møte for partane, seier utviklingsminister Erik Solheim.
– Det er positivt at partane møtes til direkte samtalar. Dei tek på ny eit lite men viktig steg for å føre prosessen vidare, sjølv om situasjonen framleis er spent, med hyppige trefningar. Det er avgjerande at regjeringa og LTTE stoppar kamphandlingane, for å sikre eit møte og auke sjansane for positivt utfall, seier utviklingsminister Erik Solheim.
Pressekontakt: Informasjonssjef Roy Freddy Andersen, mobil +47 90 61 05 30.