Regjeringa har i dag vedteke å slette delar av Pakistans gjeld til Noreg. Gjeldsslettinga er på 20 millionar dollar (132 millionar NOK) av i alt 46 millionar dollar som Pakistan har i gjeld til Noreg. Til gjengjeld vil regjeringa i Pakistan betale eit tilsvarande beløp, i lokal valuta, for utgifter til utvikling og fattigdomsreduksjon fram til slutten av 2008.

- Vi er glade for at disse pengane nå kan brukast til å bygge Pakistan opp igjen etter jordskjelvet i 2005, seier utviklingsminister Erik Solheim. Midlane skal kanaliserast gjennom Pakistan Earthquake Fund (PEF) i Den asiatiske utviklingsbanken (ADB). Føremålet er å støtte gjenreisinga etter det øydeleggjande jordskjelvet i 2005. Det skal gjevast prioritet til sosial infrastruktur og tenester innan helse og utdanning i grenseprovinsen nordvest i Pakistan. Støtta skal fokuserast på gjenreising av skulebygningar i grunnskulen.

Pressekontakt: Informasjonsrådgiver Marte Lid 91 65 05 28