Generalmajor Trond Furuhovde døydde onsdag 10. mai.

Det er med stor sorg vi mottok nyheita om generalmajor Trond Furuhovde sin bortgang, seier utviklingsminister Erik Solheim. Furuhovde vil verte djupt sakna. Tankane går til familien. Furuhovde gjorde ein svært viktig innsats for fredsprosessen på Sri Lanka gjennom sitt engasjement som leiar av SLMM. Men, først og fremst vil vi sakna mennesket Trond Furuhovde, som med sin visdom og sine visjonar berika oss, understrekar utviklingsministeren.

Furuhovde spela ei viktig rolle i fredsprosessen på Sri Lanka, fyrst som leiar for den sivile obersvatørstyrken Sri Lanka Monitoring Mission (SLMM) i to omgangar og seinare mellom anna som uavhengig rådgivar for departementet på militære spørsmål i fredsprosessen.