Utviklingsminister Erik Solheim reiser til Sri Lanka
Historisk arkiv
Publisert under: Regjeringen Stoltenberg II
Utgjevar: Utenriksdepartementet
Pressemelding | Dato: 05.04.2006 | Sist oppdatert: 05.10.2006
Solheim vil mellom anna ha samtalar med president Mahinda Rajapakse. Dei vil drøfte gjennomføringa av garantiane styresmaktene i Sri Lanka og LTTE gav i felleserklæringa i Genève då dei møttes for å diskutere implementeringa av våpenkvileavtalen. (05.04.06)
Pressemelding
Nr.: 43/06
Dato: 05.04.06
Utviklingsminister Erik Solheim reiser til Sri Lanka
Utviklingsminister Erik Solheim reiser til Sri Lanka torsdag 6. april for samtalar med president Mahinda Rajapakse. Dei vil drøfte gjennomføringa av garantiane styresmaktene i Sri Lanka og LTTE gav i felleserklæringa i Genève (23.02.06) då dei møttes for å diskutere implementeringa av våpenkvileavtalen. Solheim og Rajapakse vil òg gjennomgå problemstillingar tilknytt neste runde av samtalane.
Utviklingsministeren møtte òg LTTE sin sjefsforhandlar, Anton Balasingham, i London 29. mars som ein del av førebuingane fram mot neste runde av dei direkte samtalane.
Solheim vil i møtet med Rajapakse også drøfte bilaterale saker som norsk bistand til Sri Lanka.
Spesialutsending Jon Hanssen-Bauer vil vere i Sri Lanka på si første gjesting då utviklingsministeren kjem. Hanssen-Bauer vil i perioden 3. – 6. april møte president Rajapakse og andre medlemmer av regjeringa, medlemmer av opposisjonen og andre relevante kontaktar. Endeleg vil han òg møte leiinga av LTTE.
Pressekontakt: underdirektør May Elin Stener, mobiltelefon 95 86 47 01