Utviklingsministeren til Paris for Sudan-konferanse
Historisk arkiv
Publisert under: Regjeringen Stoltenberg II
Utgjevar: Utenriksdepartementet
Pressemelding | Dato: 08.03.2006 | Sist oppdatert: 05.10.2006
På gjevarmøtet for Sudan i Paris 9. og 10. mars vil utviklingsminister Erik Solheim stille krav til sudanske styresmakter om å følgje opp fredsavtalen og å ordne opp i situasjonen i Darfur. (08.03.06)
Pressemelding
Nr.: 36/06
Dato: 08.03.06
Utviklingsministeren til Paris for Sudan-konferanse
Utviklingsminister Erik Solheim er 9.-10. mars i Paris for å delta på gjevarmøte om Sudan. På møtet vil han stille krav til sudanske styresmakter om å følgje opp fredsavtalen og å ordne opp i situasjonen i Darfur.
Gjevarmøtet i Paris er ei oppfølging av Oslo-konferansen i april i fjor, kor det internasjonale samfunn gav løfter om nesten 30 milliardar kroner til humanitær assistanse og gjenoppbygging av Sudan.
– Noreg vil legge sterkt press på Sudan for at fredsavtalen vert gjennomført som planlagt og at dei sudanske styresmaktene gjer det dei kan for å få slutt på konflikten i Darfur, seier utviklingsminister Erik Solheim.
Oslo-konferansen var startskotet for nytt internasjonalt gjevarengasjement for Sudan etter underteikninga av fredsavtalen mellom styresmaktene i Khartoum og geriljarørsla Sudan People's Liberation Movement. Gjevarløfta frå Oslo er i stor grad oppfylt, sjølv om svært mykje av den humanitære bistanden har gått til Darfur på kostnad av dei store behova elles i landet.
Noreg har eit omfattande engasjement for støtte til gjennomføringa av fredsavtalen, både gjennom omfattande bistand og gjennom leiarskapet i kommisjonen som overvaker gjennomføringa av fredsavtalen. Solheim vil under konferansen ha møter med representantar for den nye samlingsregjeringa i Sudan, FN og Verdsbanken.
Pressekontakt: Underdirektør May-Elin Stener, mobil 95 86 47 01