- Eg er glad for at vi no har fått eit nytt styre på plass, og eg føler meg sikker på at det kan løyse mange av dei ufordringane Norfund står overfor i tida framover. Sammensetninga er spennande, vi har fått godt med kvinner på plass, det er god geografisk spreiing, men mest av alt er eg nøgd med kvaliteten. Norfund har eit viktig oppdrag med å skape næringsutvikling i utviklingsland. Eg ser fram til å jobbe med det nye styret, seier Erik Solheim.

Det nye styret består av:

Styreleiar Kristin Clemet, Oslo:
Fødd i 1957, utdanna siviløkonom. Arbeidar som dagleg leiar i Civita. Clemet har lang politisk erfaring, blant anna var ho utdannings- og forskingsminister frå 2001-2005, viseadministrerande direktør i NHO frå 1998-2001, arbeids- og administrasjonsminister i 1989-90 og stortingsrepresentant frå 1989-1993. Har også fleire andre styreverv, og har lang styreerfaring.

Styremedlem Stein Tønnesson, Oslo:
Fødd i 1953, doktorgrad i historie. Direktør for PRIO (Institutt for fredsforskning). Tønnesson har lang forskningserfaring retta spesielt mot Asia. Tidligare leiar for programstyret "Utviklingsveier i Sør" i Forskningsrådet. Har styreerfaring frå blant anna Care Norge.

Styremedlem Mari Skjærstad, Hamar:
Fødd i 1969, utdanna jurist. Skjærstad er advokat og partnar i advokatfirmaet Johnsrud, Sanderud & Skjærstad AS, og har sidan 1995 arbeida som forretningsadvokat. Sit også i fleire andre styrer, mellom anna Mesta, Flytoget, Scana Industrier og Statskonsult.

Styremedlem Karl-Christian Agerup, Oslo:
Fødd i 1962, utdanna Master of Science in Management. Grunnleggjar og partnar i Northzone Ventures. Lang erfaring innan finanssektoren, blant anna Hugin AS, McKinsey & Co., Milipore Corp. Styreerfaring frå LNU og Schibsted ASA.

Styremedlem Borghild Holen, Oslo ( sjå atterhald):
Fødd i 1955, utdanna siviløkonom. Banksjef i DnB Nor, der ho leiar internasjonal seksjon i International Corporates and Institutions divisjonen. Bakgrunn frå Eksportfinans, medlem av Nord-Sør/Bistandskommisjonen (1993-1995) og tidlegare styremedlem i GIEK.
Utnemninga av Holen skjer med atterhald om at dei naudsynte løyva som gjeld tilsette i forretningsbankar, vil bli gitt.

Varamedlem Tale Hungnes, Bergen:
Fødd i 1978, mastergradsstudent i menneskerettar, for tida i svangerskapspermisjon. Tidlegare leiar i Changemaker, ungdomsrørsla til Kirkens Nødhjelp. Hungnes har arbeidd som informasjonskonsulent og pressekontakt i Kirkens Nødhjelp og har vore bystyrerepresentant i Bergen. Sit som medlem i Mellomkyrkjeleg Råd.

Varamedlem Svein Tveitdal, Froland:
Fødd i 1947, utdanna sivilingenør. Seniorrådgivar i GRID-Arendal. Tidlegare direktør i GRID-Arendal og divisjonsdirektør ved UNEP (FN sitt miljøprogram) sitt hovudkontor i Nairobi, Kenya. Styreleiar i Stiftinga Asplan. Tveitdal har lang styreerfaring frå blant anna Agderforskning, Blom ANS, Nordic Oil and Gas Consultants, Innovasjonsmiljø A/S, Norway Mapping Group og andre.