Regjeringa ettergjev heile Malawis gjeld til Noreg
Historisk arkiv
Publisert under: Regjeringen Stoltenberg II
Utgjevar: Utenriksdepartementet
Pressemelding | Nr: 29/07 | Dato: 16.03.2007
Regjeringa har i dag gjort vedtak om heilt å slette Malawis gjeld til Noreg. Restgjelda er på om lag 3,8 millionar kroner.
Regjeringa har i dag gjort vedtak om heilt å slette Malawis gjeld til Noreg. Restgjelda er på om lag 3,8 millionar kroner.
Gjeldsslettinga skjer i samband med gjeldssletteinitiativet for dei fattigaste, mest forgjelda landa – det såkalla HIPC-initiativet (Heavily Indebted Poor Countries). Dette er ei oppfølging av ein multilateral avtale i Paris-klubben frå oktober 2006 då Malawi fekk sluttoppgjeret sitt under HIPC-ordninga. Noreg vart her forplikta til å ettergje 100 % av den restgjelda Malawi hadde.