Utanriksminister Støre fordømmer bombeåtak i Somalia
Historisk arkiv
Publisert under: Regjeringen Stoltenberg II
Utgjevar: Utenriksdepartementet
Pressemelding | Nr: 047/09 | Dato: 19.06.2009
Utanriksminister Jonas Gahr Støre fordømmer sjølvmordsbombinga i Baladweyne i Sentral-Somalia torsdag, der den somaliske tryggingsministeren, Omar Hashi Aden, var blant dei meir enn 20 drepne.
Utanriksminister Jonas Gahr Støre fordømmer sjølvmordsbombinga i Baladweyne i Sentral-Somalia torsdag, der den somaliske tryggingsministeren, Omar Hashi Aden, var blant dei meir enn 20 drepne.
- Noreg tek avstand frå denne brutale handlinga. Det er eit forkasteleg forsøk på å undergrava fredsprosessen i Somalia, uttalar Støre.
- Eg oppmodar på nytt alle somaliarar som ynskjer fred i landet, om å ta avstand frå valdelege metodar, og støtta den FN-leidde Djibouti-prosessen, seier utanriksministeren.