Pressetipend for reise til Nepal og India

Utanriksdepartementet lyser ut pressestipend i samband med reise til Nepal og India.  

Miljø- og utviklingsminister Erik Solheim besøkjer Nepal og India i slutten av januar. 

NB! Søknadsfrist onsdag 18. januar. 

Nepal er nå i ei avgjerande fase for å få i hamn ein lang og utmattande prosess mot varig fred. Noreg støttar framleis fredsprosessen. I India skal Solheim delta på konferansen Delhi Sustainable Development Summit. 

For å stimulere til kunnskap og debatt om norsk utviklingssamarbeid lyser Utanriksdepartementet ut inntil tre stipend på inntil 20.000 kroner i samband med reisa. Journalistar som ynskjer å delta på heile eller delar av reisa kan søkje. Det vil verte krav om rekneskapsoversikt, samt kopi/lenkjer til publisert materiale. Sjå retningslinjene Utanriksdepartementet har for pressestipend. 

Av omsyn til visum, ber ein presse som vil vere med på heile eller delar av reisa om å ta kontakt så snart som mogleg for meir praktisk informasjon. 

Send kort søknad med bakgrunn om søkjar og planlagde kanalar for publisering elektronisk til media.utvikling@mfa.no. Merk e-posten «Journaliststipend» og stil til:

Utanriksdepartementet
Avdeling for regionale spørsmål og utvikling
Seksjon for etatsstyring, budsjett og forvaltning
PB 8114 Dep.
0032 Oslo

Pressekontakt: Kommunikasjonssjef Trond Viken, mobil 992 18 303 (med på reisa). Eventuelt pressevakta for utviklingssaker, telefon 913 95 000.

****

Pressemeldingar og nyhende om bistand og utvikling skal vere lett å lese. Solheims rådgiverar bruker Liks til å teste kor enkle tekstar er å lese. Denne pressemeldinga har ein verdi på 36. Det er det same som i skjønnlitteratur og vekeblad. Les meir om kampen for eit betre og klarare språk i staten hos Klarspråk.no.