Rundskrivet erstattar rundskriv F-36/00

Ressurs til fastlønna tillitsvalde i skoleverket – skoleåret 2001/02

Kyrkje-, utdannings- og forskingsdepartementet har i medhald av hovudavtalen § 33 nr 3, etter drøftingar med lærarorganisasjonane, fastsett ressurs til fastlønna tillitsvalde i skoleverket for skoleåret 2001/02.

Når det gjeld praktiseringa av hovudavtalen del II §§ 33-35 syner vi til Handboka om særavtalar m.m. for skoleverket s. 35.

Ordninga for skoleåret 2001/02 er som følgjer:

1. Med heimel i hovudavtalen § 33 nr 3 har Kyrkje-, utdannings- og forskingsdepartementet fastsett følgjande ressurser til fastlønna tillitsvalde i skoleverket for skoleåret 2001/2002:

Skoleverket totalt

Grunnskolen

Vidaregåande skole

2. Hovudavtalen med tilpassing av Del I til skoleverket skal følgjast. Kyrkje-, utdannings- og forskingsdepartementet har fastsett følgjande:

A) Dei tildelte ressursane skal berre nyttast av dei tillitsvalde i verksemdene, jf. tilpassingsavtalen til hovudavtalen § 2 pkt 1 der den enkelte kommune/ fylkeskommune er definert som verksemd i grunnskolen/den vidaregåande skolen.

B) Formuleringa "styremøter og møter i faste organ" i hovudavtalen § 34 dekker òg møte i utval som er oppnemnde av og/eller rådgjevande for styret.

B1) Norsk Lærarlag har utanom dei styreoppnemnde utvala, fire grupper rådgjevande organ i sin organisasjon - avdelingar, seksjonar, utval og leiarmøter - som alle er rådgjevande for organisasjonen sine styrande organ. Avdelinga sine styre blir valde på eigne årsmøte på fylkes- og landsplan. Utvala vert valde på fylkesårsmøte og på landsmøte i organisasjonen. Leiarmøtene på fylkesplan består av fylkesstyret og leiarane i lokallaga. På landsplan er leiarmøtene samansett av landsstyret og leiar og nestleiar i fylkeslaga.

Hovudavtalen § 34, pkt 1 omfattar derfor òg organisasjonane sine leiarmøte og årsmøte, styremøte og leiarmøte i avdelingar og utval på fylkes- og landsplan.

B2) For Lærarforbundet, Skolenes landsforbund, Norsk Skolelederforbund og dei andre lærarorganisasjonane sitt vedkommande skal uttrykket "styremøter og møter i faste organ" i hovudavtalen òg omfatte organisasjonane sine årsmøte, styremøte og leiarmøte samt møte i rådgjevande utval på fylkes- og landsplan.

C) Arbeidsgjevaren skal gje dei tillitsvalde best moglege arbeidsvilkår slik at dei skal kunne utføre verva sine (jf. Hovudavtalen i staten – tilpassing av del 1 til skoleverket, § 1 pkt. 8). Den einskilde kommunen/fylkeskommunen kan derfor tildele ytterlegare frigjeringsressurs der ein ser dette som tenleg for oppfylle ovannemnde målsetting.

D) Ved delvis permisjon etter § 35 betaler arbeidsgjevar full lønn og krev refusjon frå vedkommande organisasjon for den prosentsats det er gitt permisjon for.

3. Årsverka som er avsett til arbeid som tillitsvalde i den einskilde verksemda (fastlønna tillitsvalde), jf pkt 1, vert fordelt på dei ulike verksemdene (kommunar/fylkeskommunar) slik det går fram av vedlagde lister.

4. Ordninga gjeld for skoleåret 2001/02.

Dette rundskrivet erstattar rundskriv F-36/00.

Med helsing

Vedlegg I

Vedlegg II