Rundskriv F-067-99
Varsling ved fare for ikkje å få bestått eller ikkje å få karakter. (20.09.99)
Rundskriv | Dato: 18.09.1999 | Kunnskapsdepartementet
Opprinnelig utgitt av: Kirke-, utdannings- og forskningsdepartementet
Rundskriv F-067-99 | Saksnr. 99/7121 | 20.09.1999 |
| Statens utdanningskontorer Fylkeskommunene De private videregående skolene De statlige videregående skolene Lærerorganisasjonene Elevorganisasjonen |
Varsling ved fare for ikkje å få bestått eller ikkje å få karakter
I forskrift 26. juni 1995 nr. 676 om eksamen, vurdering, dokumentasjon mv. (vurderingsforskrifta) var det i § 2-9 gitt reglar om at eleven/foreldra skulle ha skriftleg varsel dersom det var fare for at eleven ikkje ville få bestått karakter eller dersom grunnlaget for å setje karakter mangla på grunn av stort fråvær.Varslingsplikta galdt i forhold til både terminkarakter og standpunktkarakter.
I brev 14. januar 1999 med forslag om forskrift til opplæringslova, foreslo departementet å oppheve varslingsplikta i forhold til terminkarakteren. Flesteparten av dei høyringsinstansane som uttalte seg til dette spørsmålet, slutta seg til departementet sitt forslag. Forslaget i høyringsutkastet blei lagt til grunn i den endelege forskriftsteksten, jf.forskrift 28. juni 1999 til opplæringslova § 4-17.
Avgrensinga av varslingskravet må sjåast i samanheng med den retten eleven har til å få rettleiing og vurdering etter reglane i § 4-10 i forskrifta til opplæringslova.
Reglane i § 4-17 i forskrifta inneber at kravet om skriftleg varsel gjeld dersom det er fare for at eleven ikkje får bestått standpunktkarakter, eller det er fare for at grunnlaget for å setje standpunktkarakter vil mangle.
Læraren må ut frå pedagogiske omsyn og muligheiten for eleven til å forbetre seg, vurdere kva tid varsel skal bli gitt. Det gjeld ikkje lenger nokon ubetinga plikt til å gi varsel i første termin.
Med helsing
| Ole Briseid e.f.
ekspedisjonssjef | Lars G. Rime
fung. avdelingsdirektør |