3 Samansetting av utval, styre og råd i 2001

Tabell 3.1 syner korleis dei ymse utval, styre og råd er fordelte mellom dei ulike departementa i 2001. Sosial- og helsedepartementet skil seg framleis klart ut som det departementet med dei fleste slike organ knytte til seg.

Utvalsmedlemmene

Ved årsskiftet var det i alt 5969 verv fordelte på i alt 5833 personar. Som ein ser av tabell 3.2, er dei aller fleste med berre i eitt utval, styre eller råd. Dette gjeld både for kvinner og menn.

Kjønnsfordeling

Kvinnedelen er stabil på om lag 42 pst både i 2000 og 2001. Det er likevel verd å merke seg at skilnaden enno er stor mellom dei ulike departementa. Under ein femtedel kvinner finn ein berre for Forsvarsdepartementet og Olje- og energidepartementet, men delen av kvinner er låg jamvel for Samferdselsdepartementet, Statsministerens kontor, Nærings- og handelsdepartementet og Fiskeridepartementet sin del. Barne- og familiedepartementet skil seg framleis ut som departementet med den høgste kvinnedelen tett fylgt av Miljøverndepartementet, Kyrkje-, utdannings- og forskingsdepartementet, Kulturdepartementet og Sosial- og helsedepartementet.

Ein finn framleis ein klår skilnad mellom menn og kvinner når ein ser på kva for verv dei har i utval, styre og råd. Medan nestleiarfunksjonen er om lag jamt delt mellom menn og kvinner, er det enno berre ein firedel av dei som vart leia av kvinner.

Alderssamansetting

Dei eldste, men særleg dei yngste årsklassane er såleis framleis sterkt underrepresenterte i statlege utval, styre og råd.

Geografisk fordeling

Det er enno store skilnader mellom landsdelane når det gjeld deltaking i utval, styre og råd. Framleis er dei sentrale områda på Austlandet godt overrepresenterte, medan Sør- og Vestlandet har lågare deltaking enn kva som høver for folkemengda.

Om ein bryt tala ned på dei einskilde fylka, ser ein endå klårare korleis Oslo og Akershus dominerer dei kollegiale organa. Overrepresentasjonen frå Oslo, og i ein viss mon frå Akershus, skuldast truleg at mange av organisasjonsrepresentantane er busette i det sentrale Austlandsområdet.

Tabellen syner kva for virkeområde dei ulike organa har. Som naturleg er for statlege utval, styre og råd opererer langt dei fleste kollegiale organa på nasjonalt nivå. Regionale organ er dei kollegiale organa som opererer minst innafor eitt fylke. Regionale og lokale organ omfattar for det meste skular.