5 Vurdering

Gjennom norsk deltaking i Daphne III vil arbeidet med å hindre og førebyggje alle former for vald mot barn, unge og kvinner verte vidareført. Røynslene frå dei føregåande Daphne-programma har vore positive. Noreg har teke del i fleire prosjekt, og dette har vore nyttig når det gjeld arbeidet mot vald. Det er òg viktig at Noreg viser eit europeisk engasjement, og deltaking i Daphne III kan vere eit verkemiddel for å etablere eit godt samarbeid mellom Noreg og andre statar i Europa for å hindre vald.