Utvalgte hurtiglenker

    EØS-notatbasen

    Godkjenning av sertifiseringsordninga Bonsucro EU

    Kommisjonens gjennomføringsavgjerd 2011/439/EU av 19. juli 2011 om fastslåing av at sertifiseringsordninga «Bonsucro EU» oppfyller berekraftskriteria under europaparlaments- og rådsdirektiva 2009/28/EF og 2009/30/EF

    Commission Implementing Decision 2011/439/EU of 19 July 2011 on the recognition of the ‘Bonsucro EU’ scheme for demonstrating compliance with the sustainability criteria under Directives 2009/28/EC and 2009/30/EC of the European Parliament and of the Council

    EØS-notat | 21.03.2016 | EØS-notatbasen

    Sakstrinn

    1. Faktanotat
    2. Foreløpig posisjonsnotat
    3. Posisjonsnotat
    4. Gjennomføringsnotat

    Opprettet 13.08.2015

    Spesialutvalg: Miljø

    Dato sist behandlet i spesialutvalg: 31.08.2015

    Hovedansvarlig(e) departement(er): Klima- og miljødepartementet

    Vedlegg/protokoll i EØS-avtalen: Vedlegg II. Tekniske forskrifter, standarder, prøving og sertifisering

    Kapittel i EØS-avtalen: XVII. Miljøvern

    Status

    Rettsakta har vore i kraft i EU frå 10. august 2011.

    Rettsakta vart på EØS-komiteens møte 5. februar 2016 vedteken innlemma i EØS-avtala vedlegg II kap. XVII nr. 6ae gjennom EØS-komitéavgjerd nr. 26/2016, i kraft 6. februar 2016.

    Gjennomføring i norsk rett vart gjort ved forskrift 8. februar 2016 nr. 117 om endring i produktforskriften (godkjenning av frivillige sertifiseringsordninger for biodrivstoff), som la til EØS-tilvising i produktforskrifta frå 8. februar 2016. Dette vart notifisert for ESA i brev 25. februar 2016.

    Bakgrunn

    Biodrivstoff og flytande biobrensel som skal reknast med for å oppfylle krava om fornybardel i fornybardirektivet og kravet om redusert utslippsintensitet i drivstoff i drivstoffkvalitetsdirektivet, må oppfylle fastsette berekraftskriterium. Berekraftskriteria er likelydande i dei to direktiva og er tekne inn i norsk rett gjennom produktforskrifta kapittel 3.

    Noreg har dessutan eit omsetjingskrav for biodrivstoff til vegtrafikk, fastsett i produktforskrifta kapittel 3. Berekraftskriteria gjeld også for biodrivstoff som skal reknast med for å oppfylle dette kravet.

    Omsetjarane skal leggje fram revisorgodkjend dokumentasjon på at biodrivstoffet oppfyller berekraftskriteria. Som alternativ til dette kan det leggjast fram dokumentasjon på at biodrivstoffet er omfatta av ei godkjend frivillig sertifiseringsordning. Kommisjonen godkjenner dei frivillige sertifiseringsordningane gjennom gjennomføringsavgjerder, som det deretter må vurderast om skal takast inn i EØS-avtala.

    Berekraftskriteria vart tekne inn i produktforskrifta 1. januar 2014. Kravet om å dokumentere oppfylte berekraftskriterium fekk dermed verknad i Noreg for omsett biodrivstoff frå og med 2014. Omsetjingstala for 2014 viser at frivillige sertifiseringsordningar vart nytta for heile 99,7 % av omsett mengde biodrivstoff.

    Samandrag av innhald

    Kommisjonens gjennomføringsavgjerd 2011/439/EU inneber at den frivillige sertifiseringsordninga "Bonsucro EU" er godkjend i ein periode på fem år frå 10. august 2011, dvs. til august 2016. Sertifiseringsordninga er global og dekkjer produkt baserte på sukkerrør.

    Merknader
    Rettslege konsekvensar

    Rettsakta må tilføyast i EØS-tilvisingane i produktforskrifta. Det trengst ikkje andre forskriftsendringar. Høyring er vurdert som openbart unødvendig.

    Økonomiske og administrative konsekvensar

    Dei frivillige sertifiseringsordningane reduserer den administrative byrda for omsetjarane og Miljødirektoratet, som mottek rapporteringa på biodrivstoff.

    Gjeldande praksis er imidlertid allereie at dei sertifiseringsordningane som er godkjende i EU, også blir rekna som godkjend dokumentasjon i Noreg på at berekraftskriteria er oppfylte. Gjennomføring av rettsakta blir dermed ikkje rekna å ha konsekvensar.

    Sakkunnige instansar sine merknader

    Rettsakta er behandla på skriftleg prosedyre i spesialutvalet for miljøsaker, der dei departementa saka rører ved er representerte. Spesialutvalet konkluderte 31. august 2015 med at rettsakta var EØS-relevant og akseptabel.

    Vurdering

    Rettsakta er vurdert som EØS-relevant og akseptabel.

    Andre opplysninger

    Innholder informasjon unntatt offentlighet, jf. offl. § 13

    Nøkkelinformasjon

    Institusjon: Kommisjonen
    Type rettsakt: Vedtak/beslutning
    KOM-nr.:
    Rettsaktnr.: 2011/439/EU
    Basis rettsaktnr.: 2009/28/EF, 2009/30/EF
    Celexnr.: 32011D0439

    EFTA-prosessen

    Dato mottatt standardskjema: 02.07.2015
    Frist returnering standardskjema: 13.08.2015
    Dato returnert standardskjema: 13.08.2015
    Dato innlemmet i EØS-avtalen: 06.02.2016
    Nummer for EØS-komitebeslutning: 26/2016
    Tekniske tilpasningstekster: Nei
    Materielle tilpasningstekster: Nei
    Art. 103-forbehold: Nei

    Norsk regelverk

    Endring av norsk regelverk: Nei
    Høringsstart:
    Høringsfrist:
    Frist for gjennomføring: 06.02.2016
    Dato for faktisk gjennomføring: 08.02.2016
    Dato varsling til ESA om gjennomføring: 25.02.2016
    Til toppen