Regjeringa har bestemt at verkeområdet til oppdrettslova skal utvidast til også å gjelde kråkebollar. Bakgrunnen er den sterkt aukande interessa for oppdrett av kråkebollar og behovet for å få ei heilskapleg samfunnsmessig forvalting av denne næringsverksemda.

Utsetting og gjenfangst av kråkebollar i naturleg sjøområde er regulert i havbeitelova, men det er også aktuelt å drive dette både som landbasert oppdrett og som oppdrett i sjøen. Den nye forskrifta om at oppdrett av kråkebollar (pigghudar) kjem inn under oppdrettslova trer i kraft straks.