Inger Oline Røsvik er utnemnd til avdelingsdirektør og leiar av den nye havmiljøseksjonen i Fiskeridepartementet.

Inger Oline Røsvik er fødd i 1964 og er marinbiolog frå Universitetet i Oslo og bedriftsøkonom frå BI Møre. 1991 til 1996 var Røsvik tilsett hos Fiskerisjefen i Møre og Romsdal og frå 1996 til 1999 i Norske Fiskeoppdretteres Forening. Sidan 1999 har ho arbeidd som rådgjevar og seniorrådgjevar i Fiskeridepartementet med kystsoneforvaltning som spesialområde.