- Davvi-Romssas ja Finnmárkkus dáhpáhuvvet olu gelddolaš áššit, erenoamážit ovdáneaddji ealáhusain nu go mátkkoštandoaimmain ja petroleumdoaimmain. Lea deaŧalaš čalmmustahttit dan geavakeahtes potensiála mii lea ja dainnalágiin buoridit movtta ja háhkat ođđa ealáhusdoaimma dán guvlui, lohká stáhtaráđđi Erna Solberg.

Fylkkavárresátnejođiheaddji Kirsti Saxi, Finnmárkkus, ja fylkkasátnejođiheaddji Ronald Rindestu, Romssas, oaččuiga odne 1 miljovnna ruvnno gielda- ja guovloministaris doaibmaguovllu čalmmustahttinkampánjja váste.

Coahkkalemiin rabai stáhtaráđđi tiltakssonen.net mii čohkke buot dieđuid doaimmaid, bohtosiid ja ovdamearkkaid birra.

Finnmárkku ja Romssa fylkkagielddat ovttasbarget čalmmustahttinkampánjjain mii galgá dovddusin dahkat daid gaskaomiid mat doaibmaguovllus leat. Kampánja lea priváhtaolbmuid ja ealáhuseallima váste. Evalueren lea čájehan ahte doaibmaguovllu iešguđetlágán gaskaoamit doibmet bures, muhto máhttu daid birra lea heittot, erenoamážit ealáhuseallimis.

- Oassin doaibmaguovlludieđáhusa čuovvoleamis háliida ráđđehus danne veahkkin ruhtadit kampánjja vai doaibmaguovllu gaskaoamit šaddet eambbo dovdosat, lohká gielda- ja guovloministtar Erna Solberg. Dán barggus šaddá hui deaŧalaš čuvget daid vejolašvuođaid mat guovllus leat, deattuha Solberg.

Finnmárkku fylkkagielddas lea koordinerenovddasvástádus čalmmustahttinkampánjja dáfus. Oktavuođaolmmoš: Trond Magne Henriksen, mátketlf. 48 10 31 45, e-poasta: trond.magne.henriksen@ffk.no