Odne ráđđehus almmustahttá Kulturdieđáhusa, mii galgá leat boahtte logijagi giella- ja kulturpolitihka láidesteaddjin ja mearrideaddjin.

Dieđáhus čujuha ahte sámegiella galgá gullot dábálaš almmolašvuođas ii ge dušše dakkár sajiin mat leat erenoamážit sámiid várás.

- Dát lea čielga oatna riikka almmolaš áibmomediaide ahte galgá sáhttit geavahit eambbo sámegiela. Lea čabočielga ášši ahte sámegiella geavahuvvo riikkaviidosaš áibmomediain main dat lea vejolaš, vel buoremus sáddenáiggi ge, dadjá stáhtačálli Anders J. H. Eira Gielda- ja guovludepartemeanttas. Čujuhan maiddái Ovttasbargoráđđehusa oktasaš sámepolitihkalaš prográmmii mas daddjo ahte Ráđđehus háliida eambbo aktiiva sámegiela geavaheami, ja Ráđđehus háliida láhčit dilálašvuođaid nu ahte sámegiela eambbo sáhttá geavahit almmolaš sajiin.

• St.meld.nr.48 Kulturpolitikk fram mot 2014 på nett:
  http://odin.dep.no/kkd/norsk/publ/stmeld/index-b-n-a.html
• Pressemelding om kulturpolitikk
  http://www.dep.no/kkd/norsk/aktuelt/pressem/043041-070029/index-dok000-b-n-a.html
• Pressemeldingen på lulesamisk
• Pressemeldingen på norsk