- Mii fertet duoji eambbo deattuhit. Ságastettiin Sámedikkiin ja duojáriiguin áigut mii geahčadit doaimmaid mat buoridivčče rápmaeavttuid ealáhussii. Nu dadjá gielda- ja guovluministtar Erna Solberg St. dieđ. nr. 10 (2003-2004) birra, Sámedikki doaimma birra 2002:s. Stuoradikki dieđáhus biddjui ovdan odne.

Dieđáhusa vuođđun lea Sámedikki jahkedieđáhus 2002 jahkái, maid Sámediggi mearridii dán jagi miessemánu 20. beaivvi. Jahkedieđáhus lea mielddusin stuoradikki dieđáhusas. Dieđáhusas leat ovddemustá mearkkašumit Sámedikki jahkedieđáhussii ja maiddái komitéamearkkašumit mat leat boahtán meannudettiin Árv. S. nr. 110 (2002-2003) Gieldakomitea árvalusat sámepolitihka birra.

- Dát juohke jahkásaš dieđáhus lea dat mii lea eanemus lágaduston (institušunaliserejun) ja formáliserejun ovttasdoaibma gaskkal Sámedikki ja guovddáš eiseválddiid, dadjá stádaráđđi.

- Proseassa mii lea dieđáhusa barggu oktavuođas addá Stuoradiggái vejolašvuođa ilbmadit oaiviliiddis Sámedikki plánaid ja bargguid birra.

Eará áššiid maid dieđáhus fátmmasta leat earret eará:

Sámiid vákšun. Dan birra daddjo ahte Justisdepartemeanta ii oainne dárbbu bidjat johtui makkárge guorahallama/ iskama go Vákšunpolitiijain leat leamaš doaimmat main čuvvot mielde sámiid dahje sámiid birrasiid. Čujuhuvvo baicca dasa ahte Sámediggái lea ovdal geažuhuvvon ahte áigot árvvoštallat galggašii go Geahčadanlávdegotti čállingoddi addit čilgehusa das man ollu sámit leat ohcan beassat oaidnit báhpiriid mat leat sin birra ja movt dat leat meannuduvvon, obbalaš vuođu alde.

Buhtadus sámiide geat eai leat ožžon oahpu. Dieđáhusas muitaluvvo Ráđđehus áigut árvvoštallat movt sáhttá meannudit gáibádusaid iešguđet joavkkuin obbalaččat ja čorgadis vuogi mielde. Dat ges daddjojuvvo leat váikkuheaddjin go galget meannudit daid gáibádusaid mat bohtet sis geat leat gillán 2. máilmmisoađi dihte dainna lágiin ahte eai ožžon oahpu. Ráđđehus áigu deattuhit ahte ii galgga vajalduvvot dat erenoamáš duogáš mii lea iešguđet gáibádusaid duogábealde.

• St.dieđ. nr. 10 (2003-2004) Sámedikke doaibma jagis 2002 (samisk)
• St. meld. nr. 10 (2003-2004) Om Sametingets virksomhet (norsk)