Gieldaministtar Erna Solberg ja Sámediggepresideanta Sven-Roald Nystø leaba odne ožžon raportta Sámedikki bearráigeahččanortnegiid birra. Bargojoavku oaivvilda ahte Sámedikkis lea oalle buorre ekonomalaš bearrái­geahčču, muhto evttoha seammás soames doaimmaid mat sáhttet vel eanet buoridit bearráigeahččama.

- Sámediggi atná deaŧalažžan ahte dan lobálašvuohta vuolgá sámi servodagas ja ahte sámi servodagas lea luohttámuš Sámediggái. Dan dihte lea mu mielas buorre go Sámedikki bearráigeahččanortnegat dál leat guorahallon, ja ahte leat evttohuvvon konkrehta buoridandoaimmat, dadjá Sámedikki presideanta Sven-Roald Nystø.

Raporttas árvaluvvojit earret eará:

• Sámedikki bearráigeahččanlávdegoddi dahkko čielga bearráigeahččan­ásahussan Sámedikki dievasčoahkkima ektui.
• ·
• Bearráigeahččanlávdegottis berre leat sierra áššemeannudanvejolašvuohta mii lea luvvejuvvon Sámediggeráđis ja direktoras. Sámediggi berre stáhtabušeahta bokte oažžut lasihuvvon rámmadoarjaga dán ulbmilii.
• ·
• Sámedikki hálddahus berre stáhtabušeahta bokte oažžut lasi doarjaga nannet siskkáldas bearráigeahču ja kvalitehtasihkkarastima.

– Ráđđehus áigu dál vuordit Sámedikki gieđahallama ja oainnuid raportii, ja almmuha dasto iežas oainnu jahkásaš stuoradiggedieđáhusas Sámedikki doaimma birra, dadjá Erna Solberg.

• Bearráigeahččanortnegat Sámedikkis ja Sámedikki várás (PDF)