Det meksikanske flyselskapet Mexicana har i statsråd i dag fått konsesjon for drift av flyruter mellom Mexico og Noreg. Konsesjonen gjeld fram til 28. september 2006.

Selskapet vil trafikkere rutene i samarbeid med SAS. Mexicana kjem ikkje sjølv til å fly til Noreg, men Mexicana og SAS vil utveksle passasjerar i New York. Dessutan vil kode- og rutenummera til Mecicana vere å finne på rutesamband som SAS har mellom New York og Oslo. Med eit slikt opplegg kan Mexicana marknadsføre Oslo som eit eige reisemål i sitt rutenett, og selje eigne billettar for heile strekninga Mexico – New York – Oslo.