Fiskeri- og kystdepartementet har fastsett reguleringa av fisket etter raudspette i Nordsjøen og Skagerrak for 2006. Den norske kvoten i Nordsjøen for 2006 er på 1.621 tonn medan kvoten i Skagerrak er på 154 tonn. Dette er 7 tonn lågare enn kvoten i desse områda i år.

Reguleringane for i år vert vidareførde i 2006. I reguleringane er det som i tidlegare år lagt opp til å hindre at det konvensjonelle fisket etter raudspette vert stoppa i løpet av året.

I fisket i Nordsjøen er det avsett 130 tonn til fartøy som fiskar med konvensjonelle reiskapar, medan resten, 1.491 tonn, tilfell fartøy som har løyve til å fiske med bomtrål.

I Skagerrak er det avsett 75 tonn til fartøy som fiskar med konvensjonelle reiskapar, og 79 tonn til fartøy som har løyve til å fiske med bomtrål.

For trålfartøy som fiskar raudspette i Skagerrak, gjeld ein maksimalkvote på 30 tonn. I Nordsjøen gjeld ingen maksimalkvote i fisket etter raudspette.

• Forskrift om regulering av fisket etter rødspette i Nordsjøen og Skagerrak i 2006