Fiskeri- og kystdepartementet har fastsett forskrift om regulering av fisket etter rognkjeks i Nordland, Troms og Finnmark i 2006. Maksimalkvoten for 2006 er 2.000 kilo.

I 2006 er det tillete å fiske rognkjeks fram til 20. juni. Bakgrunnen for at fisket vert stansa 20. juni er at rognkjeksa seinare på året inneheld mindre rogn. Det er derfor biologisk sett fornuftig at fisket vert styrt til første halvdel av året.

I samband med at maksimalkvoten i 2006 er gitt i kilo i staden for liter, er det fastsett ny omrekningsfaktor. 1 kilo ferdig tilverka rogn vert avrekna med 1,2 kilo av kvoten.

Elles vert det ikkje gjort endringar i forhold til inneverande år.

Krava til deltaking i rognkjeksfisket vert vidareført. For fartøy over 13 meter vert det stilt krav om tidlegare deltaking i rognkjeksfisket i minst eitt av åra 2003, 2004 eller 2005.

• Forskrift om fiske etter rognkjeks i Nordland, Troms og Finnmark i 2006