Fleire breibandsmillionar til Sogn og Fjordane
Historisk arkiv
Publisert under: Regjeringen Stoltenberg II
Utgjevar: Fornyings- og administrasjonsdepartementet
Pressemelding | Dato: 26.01.2007 | Sist oppdatert: 28.01.2007
26 bygdelag i Sogn og Fjordane skal no få breibandstilknyting. Dette er klart etter at fylket har fått i underkant av fire millionar breibandskroner av fornyings- og administrasjonsminister Heidi Grande Røys.
Pressemelding
Nr.: 5/2007
Dato: 26.01.07
Kontaktperson: Seniorrådgiver Ragnvald Berggrav, t. 92 45 53
37
Fleire breibandsmillionar til Sogn og Fjordane
26 bygdelag i Sogn og Fjordane skal no få breibandstilknyting. Dette er klart etter at fylket har fått i underkant av fire millionar breibandskroner av fornyings- og administrasjonsminister Heidi Grande Røys.
Pengane er ein del av dei 100 millionar kronene som regjeringa har løyvd gjennom Høykom-programmet for 2007. Programmet blir finansiert av Fornyings- og administrasjonsdepartementet og administrert av Noregs Forskingsråd. I fjor fekk 37 bygdelag i Sogn og Fjordane åtte millionar kroner til same føremål.
- Flott at vi no ser resultat av regjeringa si satsing på breiband, òg i mitt heimfylke! seier fornyings- og administrasjonsminister Heidi Grande Røys.
Med vel 3,8 millionar kroner no, vil den siste offentlege skulen i Sogn og Fjordane utan breiband, Vestre Hyen skule på Solheim i Gloppen, kunne kople seg opp.
Med regjeringa si løyving for 2007 har Høykom dei siste to åra medverka til å skaffe breibandsdekning til om lag 45 000 nye husstandar og bedrifter.
Breibandsdekninga i Noreg var hausten 2006 på om lag 95 %. Høykom-midlane og ytterlegare utbygging frå operatørane vil venteleg gi ei breibandsdekning på om lag 98 % i løpet av 2007.
Nye infrastrukturprosjekter som har fått bevilgninger i 2007 (PDF)
Se også: