Ođđa buohcanvihpannjuolggadusat 1.beaivve suoidnemánus 2011
Almmustahtton: 04.07.2011 | Inkluderende arbeidsliv (IA)
Ođđa njuolggadusat mo čuovvolit buohccindieđihuvvon olbmuid, mielddisbuktet rievdadusaid sihke sutnje gii lea buohcci, bargoaddiide ja doaktáriidda. Árra ja lagat čuovvolangáibádusat galget dál čavgejuvvot. Dát guoská maiddái sin ektui geat eai váldde ovddasvástádusa buohcanvihpanbarggus.
Ođđa njuolggadusat mo čuovvolit buohccindieđihuvvon olbmuid, mielddisbuktet rievdadusaid sihke sutnje gii lea buohcci, bargoaddiide ja doaktáriidda. Árra ja lagat čuovvolangáibádusat galget dál čavgejuvvot. Dát guoská maiddái sin ektui geat eai váldde ovddasvástádusa buohcanvihpanbarggus.
Deháleamos rievdadusat
- Čuovvolanplána galgá gárvvistuvvon unnimusat njealji vahku siste
- Gulahallančoahkkin galgá leat čađahuvvon čieža vahku siste
- Ráŋggáštusat váilevaš čuovvoleami geažil
Viečča diehtojuohkin gihppagiid rievdadusaid birra dás:
Bajilgovva láhkarievdadusaid birra (pdf)
Gulahallančoahkkimii dárkkistanlistu (pdf)
Gažaldagat ja vástádusat buohcanvihpančuovvoleami rievdaduvvon njuolggadusaid birra:
Bargoaddi galgá:
- Láhčit dili bargosajis ovttas bálkábargiin jos son buohccá
- Ráhkadit čuovvolanplána bálkábargiin ovttas nu árrat go vejolaš ja maŋimus njealji vahku maŋŋil go son lea buohccindieđihuvvon. Čuovvolanplána galgá sáddejuvvot doaktárii/buohccindieđiheaddjái
- Doallat gulahallančoahkkima bálkábargiin nu árrat go vejolaš ja maŋimuš čieža vahku maŋŋil go bálkábargi lea buohccindieđihuvvon
- Rapporteret NAV:ii ahte plána lea ráhkaduvvon ja čoahkkin dollojuvvon maŋimustá ovcci vahku maŋŋil go bálkábargi lea buohccindieđihuvvon. Jos dát ii dahkko, sáhttá NAV sáddet ráŋggáštusgáibádusa. Jos bargoaddi golmma vahku siste ii leat doahttalan gáibádusaid ja sutnje lea sáddejuvvon ráŋggáštusdieđáhus, de sáhttá sáhkohallat 5000 kruvnnuin juohke rihkkuma ovddas
- Oasálastit gulahallančoahkkimis maid NAV lágida gohččuma mielde (26 vahku maŋŋil go bálkábargi lea buohccindieđihuvvon, dahje árat jos NAV, bargoaddi, buohccindieđiheaddji dahje bálkábargi háliidit)
- Sáddet čuovvolanplána NAV:ii maŋimus vahku ovdal go gulahallančoahkkin dollojuvvo
Bálkábargi galgá:
- Bargoaddiin ovttasbargat gávdnat čovdosiid eastadan dihtii dárbbašmeahttun guhkes buohcanvihpama. Váilevaš mielváikkuheami geažil bálkábargi bealis sáhttá buohcanruhta bissehuvvot
- Mieldeváikkuhit ahte čuovvolanplána ráhkaduvvo ja čađahuvvo nu árrat go vejolaš ja maŋimus njeallje vahku maŋŋil go bálkábargi lea dieđihuvvon buohccin
- Oasálastit gulahallančoahkkimiin maid bargoaddi lágida nu árrat go vejolaš ja unnimusat čieža vahku maŋŋil go bálkábargi lea buohccindieđihuvvon
- Addit dieđuid bargoaddái ja Bargo- ja čálgoetáhtii bargonávccaidis birra ja veahkkin fuolahit ahte heivvolaš doaibmabijut čielggaduvvojit ja johtui biddjojuvvojit
- Geahččalit earálágan bargodoaimmaid
- Oasálastit gulahallančoahkkimis maid NAV lágida ja gohčču
Buohccindieđiheaddji galgá:
- Árvvoštallat bálkábargi vejolašvuođaid ollásit dahje belohahkii bargat vaikke leatge dearvvašvuođaváttisvuođat. Danne lea dehálaš ahte buohccindieđiheaddjis leat nu dárkilis dieđut go vejolaš go dákkár árvvoštallan dahkko
- Bargoaddis oažžut čuovvolanplána njealji vahku maŋŋil go bálkábargi lea buohccindieđihuvvon. Bargoaddi galgá ovttas bálkábargiin hábmet čuovvolanplána ja plána galgá sisttisdoallat mo máhccat fas bargui, vejolaš láhččojuvvon doaimmat bargosajis jna.
- Oasálastit gulahallančoahkkimis maid bargoaddi lágida maŋimuš čieža vahku maŋŋil go bálkábargi lea buohccindieđihuvvon
- Árvvoštallat sáhttá go bálkábargi earálágan bargguid bargat jos gávcci vahku lea buohccindieđihuvvon. Dieđuid maid buohccindieđiheaddji oažžu čuovvolanplána bokte ja gulahallančoahkkimis sáhttet leat ávkkálaččat dákkár árvvoštallamii
- Oasálastit gulahallančoahkkimiin maid NAV lágida ja gohčču
- Váilevaš oasálastin čieža gulahallančoahkkimis sáhttá buohccindieđiheaddji oažžut sullii 10 000 kruvdnosaš sáhku