ON mánáidkonvenšuvdna
Artihkal | Maŋimuš ođasmahttojuvvon: 18.06.2012 | Mánáid- ja bearašdepartemeanta
ON konvenšuvdna mánáid vuoigatvuođaid birra dohkkehuvvui ON:a váldočoahkkimis skábmamánu 20.b.1989, ja Norga dohkkehii dan ođđajagimánu 8.b. 1991. Mánáidkonvenšuvdna laktaduvvui Norgga láhkii golggotmánu 1.b.2003.
ON mánáidkonvenšuvdna lea olmmošvuoigatvuođakonvenšuvdna mii goziha mánáid vuoigatvuođaid geat leat vuollel 18 jagi. Juohke áidna mánás lea vuoigatvuohta eallimii ja dearvvašvuhtii; skuvlavázzimii ja ovddideapmái, searvat ja váikkuhit ja fuolahussii ja suddjemii. Máná buoremus galgá guovddážis buot oktavuođain mat gusket mánnái. Buot almmolaš orgánat ja bargit leat geatnegahttojuvvon čađahit ja árvvusatnit máná vuoigatvuođaid konvenšuvnna mearrádusaid ektui.
ON mánáidkomitéa oppalaš mearkkašumit
ON mánáidkomitéa almmuha oppalaš mearkkašumiid (general comments) das mo dulkot muhtun artihkkaliid mánáidkonvenšuvnnas dahje erenoamáš dehálaš áššiid. Oppalaš mearkkašumit leat mávssolaš njuolggadusat mánáidkonvenšuvnna áddejupmái ja geavahussii. Visot mánáidkomitéa mearkkašumit leat almmuhuvvon maŋŋá jagi 2005. Mánáid-, dásseárvo- ja searvadahttindepartemeanta lea jorgalahttán oppalaš mearkkašumiid dárogillii.
Norgga njealját mánáidkonvenšuvnna raporta ON:ii
Norgga eiseválddit leat geigen ON mánáidkomitéii njealját raportta mánáidkonvenšuvnna čuovvoleami hárrái. Maiddái raporterejuvvo mánáidkonvenšuvnna liigeprotokollaid čuovvoleamis, mánáid gávppašemiid, mánáid prostitušuvnna, mánáidpornografiija ja mánát soahtedilis.
ON mánáidkomitéa loahpalaš mearkkašumit Norgga njealját raportii
ON mánáidkomitéa eksaminerii Norgga eiseválddiid ođđajagimánu 21.beaivvi 2010 mánáidkonvenšuvnna čuovvoleami birra. Gustojeaddji raporttain gávdnojit ON mánáidkomitéa loahpalaš mearkkašumit Norgga eiseválddiide, beaiváduvvon ođđajagimánu 29.beaivvi 2010.
ON mánáidkomitéa mearkkašumiid čuovvoleapmi
Norga vuostáiválddii mearkkašumiid ON mánáidkomitéas ođđajagimánu 2010 oktan árvalusaiguin mo mánáidkonvenšuvnna čuovvolit. Ráđđehus háliida ahte mánáid vuoigatvuođat galget bures čuovvoluvvot. Raporttas geassemánu 2011 departemeanta čilge dálá dili ja mo áššáigullevaš suorggit čuovvoluvvojit.
ON mánáidkonvenšuvnna ja Norgga riektevuogádaga gaskka lea čielggaduvvon
Mánáid- ja dásseárvodepartemeantta dáhtu mielde lea čađahuvvon juridihkalaš guorahallan ON mánáidkonvenšuvnna ja Norgga rievtti gaskavuođain. Duogáš lea ON mánáidkonvenšuvnna ávžžuheapmi Norgga eiseválddiide nannet áŋgiruššamiid sihkkarastit ahte našunála lágat ja konvenšuvdna sohpet oppalaččat.
Norgga viđát ja guđát raporta ON mánáidvuoigatvuođa
lávdegoddái - 2016