Bearráigeahčču biebmoruovttuin

Ovddasvástádus bearráigeahččat juohke ovtta máná mii lea biebmoruovttus lea dan gielddas gos biebmoruoktu lea (biebmoruovttugielda),  (gč. mánáidsuodjalusláhka § 4-22 viđát lađas). Bearráigeahču ulbmil lea dárkkistit oažžu go mánná dohkálaš fuolahusa ja čuvvojuvvojit go dat eavttut maid vuođul mánná fárrehuvvui biebmoruktui.

Guovvamánu 1.beaivve 2014 sirdojuvvui bearráigeahččoovddasvástádus gielddalaš mánáidsuodjalusbálvalusas gildii. Gielddat ožžo láhkarievdadeami bokte stuorit ja ollislaš bearráigeahččoovddasvástádusa. Seammás ožžot gielddat eanet válddi mearridit movt  čađahit bearráigeahču hálddahuslaš organiserema, ja gielddat besset maid ieža mearridit gii gieldda ovddas galgá bearráigeahču čađahit. Gielddaid ollislaš ovddasvástádussii gullá fuolahit ahte bearráigeahču čađahuvvo fágalaš eavttuid vuođul ja gustojeaddji lágaid ja njuolggadusaid mielde. 

Mearrádus mielddisbuktá ahte doaba “bearráigeahčči” sihkkojuvvo mánáidsuodjaluslágas, ja ahte dál ii šat gáibiduvvo ahte juohke mánnái válljet bearráigehččiid. Ja dat gielddat, gos ortnet bures doaibmá, sáhttet geavahit dálá bearráigehččiid jos dan háliidit.

Ođđa ovddasvástádus mearkkaša maid ahte dat lea gieldda geatnegasvuohta fuolahit ahte sii geat bearráigeahču galget čađahit ožžot dárbbašlaš oahpahusa ja bagadeami.

Mánáid geahču biebmoruovttuin lea lagabui muddejuvvon biebmoruovttuláhkaásahusas §§ 8 ja 9.