51 nöörjen dajvh dan båetije aajkan vaarjele
Ođas | Almmustahtton: 10.09.2024 | Eanadoallo- ja biebmodepartemeanta
Jaepien 2009 raejeste leah 51 dajvh abpe Nöörjesne statusem åådtjeme goh Utvalde landskap i jordbruket / Veeljeme dajvh laanteburresne. Daan biejjien 15-jaepien heevehtimmiem heevehte Gran Hadeland:sne, aktene dejstie dajvijste mah leah meatan.
– Laanteburrie abpe laantesne lea akte nasjonaale ulmie jïh laanteburriedorjemasse lea vihkele juktie laanteburriedajvem tjåadtjoehtidh, aaj dejtie vaeljehke laanteburrien kultuvredajvide, staatetjaelije Wenche Westberg jeahta.
Daan jaepien 15 jaepiej mænngan råajvarimmiem Utvalde kulturlandskap i jordbruket (UKL) / Veeljeme kultuvredajvh laanteburresne byögkeleslaakan rïhpesti Vanggrøftdalesne mij dillie lij Hedmarhken fylhkesne. Dan ulmie lea staateles laajkoeviehkiem vedtedh båantide jïh jeatjah utniejidie dajvesne kultuvredajvem vaarjelidh.
– Manne dijjiem gæjhtam dijjen barkoen åvteste maam dijjieh lidie dorjeme, guktie mijjieh garmereslaakan maehtebe mijjen vaeljehke kultuvredajvide vuesiehtidh jïh vihtiestidh, Westberg jeahta.
Dåarjoeöörneginie Laanteburrie- jïh beapmoedepartemeenteste jïh Klijma- jïh byjresedepartemeenteste staate lea 370,582 millijovnh kråvnah dåårjeme jaepien 2009 raejeste.
Jaepien 2009 20 dajvh statusem åadtjoejin goh kultuvredajvh. Dah 51 dajvh mah mijjieh jaepien 2024 utnebe leah abpe laantesne, jïh vuesiehtieh man gellielaaketje laanteburriedajvh Nöörjesne gååvnesieh.
15-jaepien heevehtimmiem Gran Hadeland:sne Sisdajvesne heevehtibie. Programmesne lea Granavollesne – Tingelstadh – Røykenvik – Gran:sne mïnnedh.