Bohccobiergokonferánsa – bohccobiergofidnuid deaŧalaš arena
Ođas | Almmustahtton: 03.07.2024 | Eanadoallo- ja biebmodepartemeanta
Dál lea bohccobiergokonferánsa álgán. Eanandoallo- ja biebmodepartemeantta stáhtačálli Wenche Westberg rabai konferánssa Romssas. Dat lea jahkásaš konferánsa ja deaŧalaš arena bohccobiergofidnuide.
– Bohccobiergokonferánsa lea vuogas vejolašvuohta bohccobiergofidnuide ja boazodolliide lonohallat ja juogadit máhtu ja vásáhusaid, ja digaštallat bohccobiergoindustriija boahttevaš vejolašvuođaid, lohká Eanandoallo- ja biebmodepartemeantta stáhtačálli Wenche Westberg.
Bohccobiergokonferánsa lea Innovasjon Norge ja Bohccobierggu márkanlávdegotti ovttasbargoprošeakta. Konferánsa lea sajáiduvvan bohccobiergofidnuid deaŧalaš arenan ja gávnnadanbáikin. Konferánsa addá fitnodagaide ja boazodoalu fidnoolbmuide vejolašvuođa háhkat ođđaseamos dieđuid ja gullat ođđasiid márkandoaimmain ja boazodoallošiehtadallamiin.
Dán jagi konferánsa bidjá fuomášumi dasa movt bohccobiergofidnu sáhtášii ovttas ovdánahttit bohccobierggu buvttan, ja oahppat movt fidnu sáhtášii bargat márkana ektui nu ahte sihkkarastá ja ovdánahttá bohccobierggu márkanposišuvnna.