Stáhtabušeahtta 2024
Bušeahtta mii oadjuda olbmuid ekonomiija ja Norgga ráfehis áiggis
Preassadieđáhus | Nr: 53/2023 | Almmustahtton: 06.10.2023 | Ruhtadandepartemeanta
2024 bušeahtta galgá buvttihit oadjebasvuođa buohkaide ja vejolašvuođaid olbmuide ja fitnodagaide miehtá riikka. Soahti Eurohpás, hirbmat ollu báhtareaddjit Ukrainas ja alla hattit dagahit ahte golut lassánit olu surggiin. Ráđđehus áigu vuoruhit buohkaide ain buriid čálgobálvalusaid, ja doarjut sin geat dárbbašit dan eanemusat. Oadjebasvuohta ja gearggusvuohta vuoruhuvvo hui bajás ja Norga áigu doarjut Ukraina ja báhtareaddji olbmuid. Ráđđehus áigu maiddái áimmahuššat ruoná nuppástuhttima ja joatká áŋgiruššama joksat dálkkádatulbmiliid.
– Mun dieđán oallugat dovdet ahte hattit ja reanttut leat lassánan. Dát bušeahtta galgá buvttihit eanet oadjebasvuođa olbmuid árgabeaivvis – beroškeahttá gos ásset, ja ležžet dál nuorat dahje boarrásat. Mii áimmahuššat sin geat leat hearkkimusat, ja mii fertet bisuhit ja nannet čálgobálvalusaid nugo mánáidgárddiid, skuvllaid, buohcciviesuid ja politiijaid. Earenoamážit leat mii válljen čielgasit go áigut hálbudit mánáidgárdesajiid. Buot dán ruhtadit mii vásttolaš ekonomalaš rámmaid siskkobealde, dadjá ruhtadanministtar Trygve Slagsvold Vedum (Gb).
Ráđđehus áigu seailluhit dan buori vuolggasaji mii Norggas lea, earret eará vuollegis bargguhisvuođa ja alla barggahusa. Barggahus lassána ain, ja fáhkka maŋásmannama ekonomalaš várra árvvoštallojuvvo unnibun go seamma áiggis diibmá.
– Lea dehálaš seailluhit dili mas lea vuollegis bargguhisvuohta ja oallugat geat barget, seammás go mii váikkuhit ahte haddegoargŋun geahpeduvvo ja ahte olbmuid oastinnákca buorrána. Dát álkidahttá árgabeaivvi. Mii vuohttit čielgasit ahte leat rievttes geainnu alde. Haddegoargŋun njiedjá várra boahtte jagi, lohká ruhtadanministtar.
Ráđđehusa 2024 bušeahta váldovuoruheamit leat:
- doalahit olbmuid barggus, ásahit ođđa bargguid ja nannet bargolinnjá
- fuolahit buori čálggu skuvllas, dearvvašvuođabálvalusas, boarrásiidfuolahusas ja eará dehálaš bálvalusain
- doarjut sin geaidda alla haddegoargŋun čuohcá eanemusat
- vuoruhit oadjebasvuođa ja gearggusvuođa Norggas ráfehis áiggis
- doarjut Ukraina ja báhtareaddji olbmuid ja váikkuhit stabilitehtii ja oadjebasvuhtii Eurohpás
- áimmahuššat ruoná nuppástuhttima ja olahit dálkkádatmihttomeriid
Dát eahpedábálaš riikkaidgaskasaš dilli dagaha ahte golut lassánit sakka olu surggiin, maiddái Norggas. Bušeahta stuorámus eaŋkilvuoruheapmi lea veahkki Ukraina soahtegižžui ja Ukraina soađi váikkuhusaide. Dát golut árvvoštallojuvvojit dál leat 44 miljárdda ruvnno.
– Dát lea dárbbašlaš vuoruheapmi maid ii oktage lean einnostan ovdal go Ruošša fallehii Ukraina, muhto mas dál lea viiddis politihkalaš ovttamielalašvuohta, dadjá Vedum.
Ráđđehusa evttohus vásttolaš bušehttii
Ruhtadanpolitihkka lea biddjon obbalaš vásttolaš rámma siskkobealde. 2024:s lea áigumuš geavahit 410 miljárdda ruvnno oljoruđain. Oljoruđaid geavaheapmi 2024:s vástida 2,7 proseantta Stáhta olgoriika penšunfoandda meroštallojuvvon árvvus boahtte jagi álggus . Dát lea mealgat unnit go doaibmanjuolggadusa guhkesáigásaš láidehus mii lea golbma proseantta.
Bušeahttaevttohus mearkkaša ahte 2024:s geavahit veahá eanet foandaruđa go 2023:s. Lassáneapmi vástida 0,4 proseantta Nannán-Norgga treanda-BNP:s (Brutto nationála buktagis). Ruhtadandepartemeantta modeallameroštallamiid mielde lea 2024 bušeahttaevttohusas measta neutrála váikkuheapmi ekonomalaš doaimmaide, dienas- ja gollopoasttaid čoahkkádusa geažil.
– Ráđđehus lea nagodan gávdnat saji gokčat dárbbašlaš goluid mat čuvvot dálá earenoamáš dili mas riikka lea dál, oktasaš vásttolaš rámma siskkobealde, lohká finánsaministtar.
Muhtun deháleamos doaimmat 2024 stáhtabušeahtas
2024 stáhtabušeahtas árvala ráđđehus vearrogeahpádusaid oktiibuot 6 miljárdda ruvnno ovddas. Dát guoská eanas gaskaboddosaš vearrolasáhusaid sihkkumii ja heaittiheapmái mat mearriduvvojedje 2023-bušeahtas. Čáhcefámu ja bieggafámu allahaddedoarjja mii ásahuvvui 2023 bušeahtas, heaittihuvvo golggotmánu 1. beaivvi rájes 2023. Dát ásahuvvui dainna ulbmiliin ahte ođđasisjuogadit fápmobuvttadeami eahpedábálaš alla sisaboađuid eambbo, ja ráđđehus lea čielgasit dadjan ahte allahaddedoarjja galgá heaittihuvvot maŋemusat 2024 loahpas.
Ráđđehus áigu ásahit vuođđoreantovearu gáddevuđot bieggafápmui 2024 rájes, mas lea 35 proseantta beaktilis vearromearri. Evttohus lea leamaš gulaskuddamis. Unnimustá bealli dietnasis galgá mannat suohkaniidda. Evttohus addá ealáhussii einnostahtti rámmaeavttuid ja láhčá dili hukset gánnáhahtti bieggafámu boahttevaš jagiid.
Olbmuid dienasvearru unniduvvo oktiibuot 400 miljovnnain ruvnnuin. Olbmuin geain leat unnán dahje gaskamuddosaš dietnasat unnu dahje bissu vearru rievddakeahttá, ja olbmuin geain leat stuorámus dietnasat lassána vearru binnánaš. Earret eará badjána persovdnageasus, ja oadjodivat unnu. Sullii 85 proseantta vearromáksiin unnu dahje bissu dienasvearru rievddakeahttá.
Ráđđehus árvala doalahit vuoitovearu ja fitnodatvearu nugo lea.
Dasa lassin heaittihišgoahtá ráđđehus dál gaskaboddosaš liige bargoaddidivada dakko bokte ahte gustoma álgin loktejuvvo 750 000 ruvnnos 850 000 ruvdnui. Opmodatvearus vuoliduvvo gávpot olggobealde ealáhusopmodagaid árvomeroštallan nu ahte árvvut čuvvot márkanárvvuid eanet.
– Ráđđehus joatká sosiálalaš ja geográfalaš ođđasisjuogadeaddji vearropolitihka. Mii vuoruhit doalahit olbmuid bargguin, ásahit ođđa bargguid ja nannet bargolinnjá. Mii doallat dan maid lohpideimmet árabut dán jagi ja eatge evttot maidege ođđasa vearu dáfus ealáhusaide. Mii baicca dahkat dál juoidá mii geahpeda nugo mii leat dieđihan ovdagihtii, lohká finánsaministtar Vedum.
Eanet 2024 stáhtabušeahta doaimmaid birra:
Doalahit olbmuid bargguin, ásahit ođđa bargguid ja nannet bargolinnjá
Ráđđehus evttoha:
- Joatkit nuoraiddáhkádusa, mii galgá addit lahka ja árra čuovvoleami nuoraide geat dárbbašit liige veahki bargui álgit.
- Bidjat johtui bargoorienterejuvvon bargonávccahisvuođaoaju ráddjejuvvon geahččaleami nuorra bargonávccahis olbmuide 2024:s.
- Joatkit RNB 2023 lassi juolludeami bargomárkandoaimmaide.
- Ásahit eanet sajiid bistevaš heivehuvvon bargui (BHB) (VTA) ja bidjat ovdan njealjejagáš buoridanplána oktiibuot 2 000 ođđa sajiide. 2024:s lassána juolludeapmi 500 sajiin.
Fuolahit buori báikkálaš čálggu skuvllas, dearvvašvuođabálvalusas ja eará dehálaš bálvalusain
Ráđđehus evttoha:
- Bajidit suohkansuorggi friddja sisaboađuid 6,4 miljárdda ruvnnuin. Dát leat badjelis go lei geažiduvvon Suohkanproposišuvnnas, ja mielddisbuktá ahte suorggi lassánan demografiija- ja penšungolut gokčojuvvojit 5,9 miljárdda ruvnnuin.
- Álggahit ođđa reantobuhtadanortnega oahppoarenaid ja stuorát biergasiid investeremiidda eanet praktihkalaš ja máŋggabealat oahpahusa várás skuvllas. Investerenrámma lea eanemusat 1 miljárda ruvnno juohke jagi gávcci jagi ja reantu buhtaduvvo badjel 20 jagi.
- Bajidit Juolludemiid stáhta mánáidsuodjalussii, sihke mánnálogu stuorruma, mánáid dárbbuid geažil ja veahkehan dihte viidáset nuppástuhttimii.
- Dorvvolašvuohta oažžut buori dearvvašvuođaveahki, buohcciviesuiguin mat čovdet otná hástalusaid. Árvalus láhčá dili oanehit vuordináiggiide danne go buohcciviesut galget dikšut eanet pasieanttaid go mii lea lunddolaš danne go šaddet eanet vuorasolbmot. Árvaluvvojit maiddái lassi juolludeamit psyhkalaš dearvvašvuhtii, eanet ovttasdoaibmamii ja ođđa investerenloanaide earret eará Ålesundda buohccivissui ja OUS (OUB) regionála sihkkarvuođaossodahkii.
- Joatkit vuoruhit dábálašdoavttirbálvalusa. Evttohuvvo lasihit juolludeami dábálašdoaktáriidda geat leat spesialisereme (ALIS-šiehtadusaide), mat láhčet dili nu ahte doaktárat álggahit ja čađahit dábálašmedisiinna spesialistaoahpu. Ráđđehus bisuha miessemánu 1. beaivvi 2023 lassi vuođđodoarjaga fástadoaktáriidda. Árvaluvvo maiddái lasihit almmuhuvvon virggiid doaktáriidda geat leat spesialisereme (LIST1) oktiibuot 66 virggiin.
- Lassi investerendoarjaga sullii 1500 ođđa fuolahussajiide buhcciidruovttuin ja suohkaniid fuolahusásodagain.
- Vuoruhit eanet beasahahttivuođa, oadjebas luottaid ja mátkegoluid unnideami johtalussuorggis. Ráđđehus evttoha ruđaid álggahit golbma ođđa luoddaprošeavtta iešguđet osiin riikkas (E6 Megården–Sommerset, E134 Røldal–Seljestad ja E134 Oslovuotnačanastat) ja ruđaid joatkit ráhkkaneaddji barggu Arna-Stanghelle luotta ja ruovdemáđiiija oktasašprošeavttas. Dasa lassin árvala ráđđehus beallidit guvllolaš girdiruvttuid (FOT-ruvttuid) bileahtaid bajimus máksomeriid, lasihit ruvttuid ja buoridit kapasitehta ođđa šiehtadusain.
Doarjut sin geaidda alla haddegoargŋun čuohcá garrasepmosit
Ráđđehus evttoha:
- Joatkit elrávdnjedoarjjaortnega dállodoaluide 2024:s. Čakčamánu 1. beaivi 2023 rájes meroštallojuvvo doarjja juohke diimmu elrávdnjehattiid vuođul. 2024 rájes loktejuvvo hatti ceahkkeárvu goas doarjja máksojuvvo. 70 evrres/kWt:s 73 evrii/kWt:i. Elrávdnjedoarjja eaktodáhtolaš sevviide, eanandoallokundariidda ja lahkaliggenrusttegiid kundariidda jotkojuvvo maiddái.
- Vuolidit mánáidgárddiid bajimushatti 2 000 ruvdui borgemánu 1. beaivvi rájes 2024. Suohkaniin guovddášavádagain 5 ja 6 árvaluvvo unnidit bajimushatti vel eambbo 1 500 ruvdnui. Árvalusa ollesjagiváikkuhus lea 3,17 miljárdda ruvnno.
- Stáhta láidesteaddji máksomearit oažžut ekonomalaš sosiálaveahki bajiduvvui 10 proseanttain suoidnemánu 1. beaivvi rájes 2023 ja bajideapmi galgá jotkojuvvot 2024:s. Máksomearit bajiduvvojit vel meroštallojuvvon haddegoargŋuma mielde.
- Joatkit gaskaboddosaš ássandoarjjanjuolggadusaid ja liigemávssuid mat leat 1 000 juohke mánu áigodagas ođđajagimánus njukčamánnui 2024:s.
- Oahppodoarjja bajiduvvui 7 proseanttain oahppojagi 2023–2024. Bajideapmi addá sullii 9 000 ruvnno eambbo studeanttaide jahkásaččat. Oahppojagi 2024–2025 bajiduvvo oahppodoarjja vel 3,8 proseanttain. Ráđđehus evttoha maiddái bajidit Loatnakássa gáiddusássi- ja bierggasstipeandda máksomeriid joatkkaskuvlla ohppiide.
Vuoruhit oadjebasvuođa ja gearggusvuođa Norggas ráfehis áiggis
Ráđđehus evttoha:
- Bajidit suodjalusbušeahta badjelaš 15 miljárddain ruvnnuin go buohtastahttá Salderejuvvon bušeahtain 2023. Evttohus mielddisbuktá ahte suodjalussuorgi nannejuvvo guhkesáiggeplána mielde, ja ahte ambišuvdnadási doaibmabijut lasihuvvojit dálá guhkesáiggeplána ektui. Bušeahttaevttohusain lea Norga bures ollašuhttime ráđđehusa ambišuvnna geavahit 2 proseantta BNB:s suodjalusáigumušaide ovdal 2026:s.
- Bajidit juolludemiid politiijaide earret eará láhčin dihte alla bargi- ja aktivitehtadási politiijaguovlluin, ja ásahit ođđa bálvalusbáikkiid.
- Bajidit juolludeami duođalaš kriminalitehta dutkamii, ekonomalaš kriminalitehta vuosttaldeapmái ja joavkokriminalitehta mearrediđolaš áŋgiruššamii.
- Vuoruhit servodatsihkkarvuođa ja earret eará bajidit Politiijaid sihkkarvuođabálvalusa (Politiets sikkerhetstjeneste) (PST) kapasitehta bargat vuosteterroriin ja váldeolbmuid gáhttemiin.
- Bajidit juolludeami eanandoallošiehtadussii 2,9 miljárddain ruvnnuin 2024:s. Bajideapmi galgá leat vuođđun buoridit ealáhusa dinenvejolašvuođaid. Bargojuvvo maiddái ásahit gearggusvuođaráju biebmogortniide.
Doarjut Ukraina ja báhtareaddji olbmuid ja váikkuhit stabilitehtii ja oadjebasvuhtii Eurohpás
Ráđđehus evttoha:
- Joatkit Nansen siviila ja militeara doarjjaprográmma Ukrainai 2024:s 15 miljárdda ruvdnosaš obbalaš árvvuin. Álgovuođus juhkkojuvvon 7,5 miljárdda ruvnnuin siviila doarjjan ja 7,5 miljárdda ruvnno militeara doarjjan Ukrainai.
- Mii galgat váldit vuostá ukrainalaš báhtareddjiid geat dárbbašit suodjalusa. Sii geat bohtet, galget searvadahttot Norggas servodahkii barggu ja oahpahusa olis suohkaniin miehtá riikka. 2024 meroštallojuvvojit golut vuostáiváldit, ásaiduhttit ja integreret báhtareddjiid šaddat sullii 31,4 miljárdda ruvnno.
- Goluid vuođđun lea plánenlogut ahte váldit vuostá 20 000 báhtareaddji Ukrainas ja 5 000 dorvoohcci eará riikkain 2024:s
- Boahtinlogut leat hui eahpesihkkarat. Boahtimat Ukrainas lea sakka lassánan dan rájes go meroštallat dahkkojuvvojedje. Ráđđehus oažžu dábálaš láhkái ođasmahtton plánenloguid ja evttoha vejolaš bušeahtta- rievdadusaid dan vuođul Reviderejuvvon nationálabušeahta 2024 oktavuođas.
- 355 miljovdnasaš lassi doaibmajuolludus politiijaide, Olgoriikalaččaiddirektoráhttii ja Integreren- ja máŋggabealatvuođadirektoráhttii (IMDi) jotkojuvvo áimmahuššan dihte hálddahuslaš kapasitehta go leat nu oallugat geat bohtet.
- 51,7 miljárdda ruvdnosaš obbalaš ovddidanbušeahta, mii lea 7,5 miljárdda ruvnno eambbo go Salderejuvvon bušeahtas 2023:s. Oassin meroštallojuvvon 2024 BNI:S (BNS) lea ráđđehusa evttohus ovddidanbušehttii 0,94 proseantta. (Oktan siviila doarjagiin Nansen-prográmmas ja ODA-dohkkehuvvon báhtareaddjigoluiguin Norggas).
Áimmahuššat ruoná nuppástuhttima ja joksat min dálkkádatmihtuid
Ráđđehus joatká:
- Bajidit CO2-divada 2 000 2020-ruvdnui 2023:s. Dákkár guhkesáiggi mihttomeriin lea ealáhusain ja golaheddjiin vejolašvuohta nuppástuhtti áiggi badjel.
- Barggu ruoná industriijaloktemiin ja árvala bajidit juolludemiid váikkuhangaskaoapmeapparáhttii mii lea ealáhusaid várás. Dasa lassin evttoha ráđđehus viiddidit Innovašuvdna Norgga ja Eksfin loatna- ja dáhkádusortnegiid.
- Čuovvolit Langskip-prošeavtta, mii lea guovddáš oassi Norgga doarjagis ovdánahttit dálkkádatteknologiijaid riikkaidgaskasaččat. 2024:s evttohuvvo juolludit 2,6 miljárdda ruvnno.
Dasa lassin evttoha ráđđehus:
- Juolludemiid čuovvolit ráđđehusa energiijabeavttálmahttima doaibmaplána buot osiin Norgga ekonomiijas, oktan juolludemiiguin Viessobáŋkkui (Husbanken), Enovai, NČE:i (NVE) ja Vistekvaliteahta direktoráhttii (Direktoratet for Byggkvalitet) (DiBK).
- Juolludit 5,8 miljárdda ruvnno Enovai 2024:s, mii lea badjel 400 miljovnna ruvnno lassáneapmi 2023 rájes. Dát dahká Enovai vejolažžan lasihit áŋgiruššama joksat dálkkádatgeaskkuid ja dasa lassin váikkuhit eambbo energiijabeavttálmahttimii.
- Lasihit juolludemiid doaimmahit energiijaeiseválddiid OED, NVE ja RME – vai meara nalde bieggafápmu huksejuvvo johtileappot ja ođasmuvvi fámu ja neahttarusttegiid konsešuvnnat gieđahallojuvvojit johtileappot.
- Ráhkkanahttinruđaid meara alde bieggafápmoalmmuheapmái 2025:s, oktan luonddu- ja biraskártemiin. Árvaluvvojit maiddái ruđat gárvvistit eananiskkademiid dan Utsira Nord-oasis mii lea almmuhuvvon.
Tabealla 1 Norgga ekonomiija váldologut. Rievdadus proseanttaid mielde doppe gos ii čuoččo mihkkege eará
|
|
Mrd. ruvnno1 |
|
|||
|
2022 |
2022 |
2023 |
2024 |
2025 |
|
|
Priváhta golaheapmi |
1 806,4 |
6,9 |
-1,0 |
0,5 |
2,2 |
|
Almmolaš golaheapmi |
1 037,2 |
0,1 |
2,1 |
1,4 |
- |
|
Bruttoinvesteremat bistevaš kapitálas |
1 095,5 |
4,3 |
-0,5 |
-1,5 |
0,4 |
|
Daid gaskkas: |
|
|
|||
|
Oljobohkan ja revrefievrredeapmi |
176,0 |
-6,5 |
9,1 |
2,3 |
-6,2 |
|
Nannán-Norgga fitnodagat |
448,8 |
14,5 |
2,3 |
-1,9 |
-2,4 |
|
Viesut |
232,1 |
-1,4 |
-15,0 |
-4,0 |
15,6 |
|
Almmolaš hálddašeapmi |
237,8 |
1,2 |
0,4 |
-0,5 |
- |
|
Nannán-Norgga gálvojearru2 |
3 762,2 |
4,9 |
-0,5 |
0,1 |
1,8 |
|
Eksporta |
3 100,6 |
5,9 |
4,8 |
3,8 |
3,0 |
|
Das: Luondduolju ja luonddugássa |
1 972,9 |
0,3 |
3,9 |
4,1 |
1,6 |
|
Nannáma gálvvut ja bálvalusat |
947,0 |
9,4 |
5,3 |
3,4 |
3,7 |
|
Importa |
1 521,5 |
9,2 |
1,9 |
1,3 |
1,7 |
|
Bruttonationálabuvtta |
5 570,7 |
3,3 |
1,0 |
1,1 |
1,9 |
|
Das: Nannán-Norga |
3 570,9 |
3,8 |
0,6 |
0,8 |
1,9 |
|
Eará váldologut: |
|
|
|
||
|
Barggahus |
|
3,9 |
1,3 |
0,1 |
0,5 |
|
Bargguhisvuođalogut, AKU (dássi) |
|
3,2 |
3,5 |
3,7 |
3,7 |
|
Bargguhisvuođalogut, registrerejuvvon (dássi) |
|
1,8 |
1,8 |
2,0 |
2,1 |
|
Jahkebálká |
|
4,3 |
5,5 |
4,9 |
- |
|
KPI (KHI) |
|
5,8 |
6,0 |
3,8 |
2,5 |
|
KPI-JAE (KHI-DRM) |
|
3,9 |
6,4 |
4,1 |
2,7 |
|
Gássahaddi, USD juohke MMBt:s (jotkkolaš háttit) |
|
33,1 |
13,6 |
16,0 |
14,3 |
|
Luondduoljohaddi, USD juohke fáhtas (jotkkolaš hattit) |
|
99 |
78 |
73 |
71 |
|
Golmmamánnosaš ruhtamárkanreantu, (dássi)3 |
|
2,1 |
4,2 |
4,8 |
4,3 |
|
Importabuohtastahttojuvvon kursaindeaksa |
|
1,2 |
6,5 |
-1,8 |
0,0 |
1 Gaskaboddosaš 2022 nationálarehketdoallologut, jotkkolaš hattit. Stuorrunleaktu lea addon volumain.
2 Earret vuorkárievdadus.
3 Rehkenastinteknihkalaš eaktu vuođđuduvvon borgemánu termiidnahattiide.
4 Positiivvalaš lohku almmuha heajos ruvdnoárvvu.
Gáldut: Statistihkalaš guovddášdoaimmahat, Norges Bank, Nav, Thomson Reuters, ICE, Macrobond ja Ruhtadanepartemeanta.
Tabealla 2 Stáhtabušeahta ja Stáhta penšunfoandda váldologut. Mrd. ruvnnuid mielde
|
|
2022 |
2023 |
2024 |
|
Sisaboađut oktiibuot |
2 668,4 |
2 408,7 |
2 387,3 |
|
1 Sisaboađut petroleumdoaimmain |
1 313,6 |
930,1 |
858,2 |
|
1.1 Vearut ja divadat |
720,9 |
605,6 |
491,6 |
|
1.2 Eará petroleumsisaboađut |
592,7 |
324,5 |
366,6 |
|
2 Sisaboađut earret petroleumsisaboađuid |
1 354,8 |
1 478,5 |
1 520,1 |
|
2.1 Nannán-Norgga vearut ja divadat |
1 240,7 |
1 352,4 |
1 380,4 |
|
2.2 Eará sisaboađut |
114,2 |
126,2 |
139,8 |
|
Golut oktiibuot |
1 665,9 |
1 796,0 |
1 882,6 |
|
1 Golut petroleumdoaimmaide |
28,4 |
27,0 |
26,0 |
|
2 Golut earret petroleumdoaimmaide |
1 637,6 |
1 769,0 |
1 856,6 |
|
Stáhtabušeahta badjelbáza ovdal sirdima Stáhta olgoriikka penšunfondii |
1 002,5 |
612,7 |
495,7 |
|
- Netto ruhtaboahtu Stáhta olgoriikka penšunfoanddas |
1 285,2 |
903,1 |
832,2 |
|
= Oljomuddejuvvon badjelbáza |
-282,7 |
-290,5 |
-336,5 |
|
+ Sirdin Stáhta olgoriikka penšunfoanddas |
309,9 |
290,5 |
336,5 |
|
= Stáhtabušeahta badjelbáza |
27,1 |
0,0 |
0,0 |
|
+ Netto várrejuvvon Stáhta olgoriikka penšunfoanddas |
975,3 |
612,7 |
495,7 |
|
+ Stáhta penšunfoandda reanto- ja vuoitoboađut1 |
279,3 |
328,9 |
360,6 |
|
= Stáhtabušeahta ja Stáhta penšunfoandda badjebáza oktiibuot 1 |
1 281,8 |
941,6 |
856,3 |
|
Memo: |
|
|
|
|
Reanto- ja vuoitodietnasat jna. Stáhta olgoriika penšunfoanddas |
267,4 |
312,7 |
344,0 |
|
Stáhta olgoriikka penšunfoandda márkanárvu2 |
12 355 |
12 413 |
15 300 |
|
Stáhta penšunfoandda márkanárvu2 |
12 688 |
12 732 |
15 637 |
|
Álbmotoaju geaskkut ahkepenšuvnnaide2,3 |
9 621 |
10 175 |
10 861 |
|
Struktuvrralaš oljomuddejuvvon bušeahttavuolláibáza |
338,6 |
372,3 |
409,8 |
|
Foandakapitála proseantan |
2,7 |
3,0 |
2,7 |
|
Nannán-Norgga BNB-treanda proseantan |
9,5 |
9,9 |
10,3 |
|
Bušeahttaimpulsa, proseantaovttadagat |
-1,1 |
0,4 |
0,4 |
|
Duohta, vuollásaš gollolassáneapmi proseantan |
|
|
0,7 |
1 Ii sisttisdoala kursavuoittuid dahje -massimiid.
2 Álggus jagi.
3 Álbmotoaju boahttevaš ahkepenšuvdnamávssuid čoggon vuoigatvuođaid dáláárvu.
Gáldut: Ruhtadandepartemeanta ja Statistihkalaš guovddášdoaimmahat.