Stádabušeahtta 2025
Eastadit ekstremisma
Preassadieđáhus | Nr: 54/24 | Almmustahtton: 07.10.2024 | Maŋimuš ođasmahttojuvvon: 14.10.2024 | Kultur- ja dásseárvodepartemeanta
– Mii leat vásihan golbma terrorfalleheami Norggas daid maŋemus jagiid, main leat leamaš duođalaš ja guhkilmas váikkuhusat ovttaskas olbmuide ja servodahkii. Mii áigut bargat buot maid sáhttit eastadan dihte dakkáriid dáhpáhuvvamis, dadjá kultur- ja dásseárvoministtar Lubna Jaffery.
Ráđđehus árvala 15 miljovnna ruvnno ekstremismma eastadeapmái, earret eará go lasihit 2 miljovnnain ruvnnuin doarjaga “Doarjja rasisma, vealaheami ja vaššiságaid” ortnegii ja miljovnna ruvnnuin “Bisset Vaššiságaid” doarjagii.
Loahppa galgá mannat čuovvulit ráđđehusa barggu ekstremismma vuostá. Ráđđehus galgá giđđat ovdanbuktit dieđáhusa Stuoradiggái ekstremismma eastadeami birra.
Ekstremismakommišuvnna raporttas NAČ 2024: 3 Oktasaš áŋgiruššan ekstremismma vuostá: Buoret eavttut eastadeaddji bargui deattuhuvvui ahte lea dárbu buoret organiseremii ja eanet máhttui eastadeaddji barggus. Ráđđehus áigu čuovvulit dán, mii lea oassin dieđáhusas Stuorradiggái.
– Suohkanlaš bálvalusat ja ossodagat fertejit ovttasbargat ja eastadit ekstremalaš veahkaválddi ja terrora. Mii fertet juogadit máhtu ja mii fertet bargat dainna doarvái árrat, dadjá kultur- ja dásseárvoministtar.
3,5 miljovnna Geassemánu 25.beaivvi doarjjajovkui
– Doarjjajoavku fállá árvvolaš veahki sidjiide geat gillájedje terrordagu geassemánu 25. beaivvi 2022. Dasa lassin leat dat čielga jietna vaši vuostá maid ollu bonju olbmot vásihit. Ráđđehussii lea leamaš dehálaš sihkkarastit ekonomalaš rámmaid nu ahte doarjjajoavku sáhttá joatkit dan barggu, dadjá kultur- ja dásseárvoministtar Lubna Jaffery.
Geassemánu 25. beaivvi doarjjajoavku ásahuvvui maŋŋil terrorfalleheami, mii lei Rozenkrantzgáhtas Oslos geassemánu 25. beaivvi 2022. Sii barget ásahit oadjebas deaivvadanbáikkiid, ja diehtojuohkimiin, earenoamážiid go deaivvadit eiseválddiiguin ja eará ásahusaiguin, ja sii leat muitalan iežaset vásáhusaid ja gillájeddjiid dárbbuid birra.
Dasa lassin lea sidjiide leamaš mávssolaš čilget movt lea leamaš bonju olmmožin ja musliman Norggas maŋŋil terrorfalleheami, ja sii leat huksen šaldi gaskal bonju ja muslima birrasiid.
– Okta Ekstremismakommišuvnna ávžžuhusain lea dan birra ahte nannet bargguid maiguin ovddida demokratiija, mielborgárvuođa ja muittuid. Dát mielddisbuktá ahte joatkevaččat ságastallat mii ekstremisma sáhttá leat ja maid ekstremisma sáhttá dagahit. Sii geat leat vásihan terrora ja ekstremisma leat hui guovddážis dáin ságastallamiin. Doarjjajoavku lea leamaš sajis ollesáiggi doarjagiin ja searvevuođain. Sii leat deaŧalaš resurssat, dadjá Jaffery.
Geassemánus 2024 oaččui Geassemánu 25.beaivvi doarjjajoavku Kim Friele muitobálkkašumi. Sii ožžo bálkkašumi sin earenoamáš mávssolaš barggu ovddas, go barget dan ovdii ahte buohkaide galgá leat oadjebas, fátmmasteaddji ja dásseárvosaš servodat. 3,5 miljovnna ruvnno doarjjajovkui boahtá lassin 15 miljovnna ruvdnui ekstremismma eastadanbargui.