Buorre boazonjuovvanjahki

Ođas | Almmustahtton: 25.10.2024 | Eanadoallo- ja biebmodepartemeanta

Golggotmánu 20. b. rádjái leat njuvvojuvvon 27 337 bohcco. Dán jagi njuovvan lea nappo bures badjelis maŋemus logi jagi gaskameari.

Bohccot — Dán njuovvanáigodaga logut vahkku 42 rádjái leat arvat badjelis go logi maŋemus jagi gaskamearri, čájehit Animalia njuovvanlogut. Govva: Tom Gustavsen/Markesdutvalget for reinkjøtt

2024:s lea leamaš buorre biergojohtu. 2024/2025 boazodoallojahki ja njuovvanáigodat lea dál bures boahtán johtui. Animalia njuovvanlogut čájehit ahte vahkku 42 rádjái leat njuvvojuvvon 27 337 bohcco.

Seamma áigge diibmá ledje njuvvojuvvon birrasiid 30 535 bohcco. 2023/2024 boazodoallojagi gesse hui olu bohccuid njuovahagaide.

Loga eambbo 2024 njuovvanáigodaga birra Eanandoallodirektoráhta siidduin (dárogilli) God slaktesesong for reinsdyr - Landbruksdirektoratet

Vahkku 42 rádjái lea gaskamearálaš njuovvanlohku maŋemus 10 jagi 23 914 bohcco, ja dán jagi njuovvanlogut leat nappo olu badjelis gaskameari.

Eanas oassi njuovvamis leat miesit, ja miesit dahket nu olu go 82 proseantta njuovvamis. Dán rádjái njuovvanáigodagas dahká njuovvan oktiibuot 608 tonna, ja buot njuovvamiid gaskamearálaš njuovvandeaddu lea 22,3 kg. Dat lea alit go seamma áigge diibmá.