Guhttanuppelohkái ođđa kulturviessoprošeavtta miehtá riikka

Preassadieđáhus | Nr: 45/24 | Almmustahtton: 07.10.2024 | Maŋimuš ođasmahttojuvvon: 14.10.2024 | Kultur- ja dásseárvodepartemeanta

Ráđđehus árvala doarjut 16 ođđa kulturviessoprošeavtta miehtá riikka. Dat attášii earret eará Kristiansandii ođđa gávpotmuseagárdima, Urnes stáhpegirku oažžu vistti gallededdjiid vuostáiváldimii, Lofuohtas gárvvistuvvo dorskebivdomusea SKREI, ja Ole Bull gárdin Lysøen divoduvvo.

– Dát vuoruheapmi boahtá buorrin olbmuide miehtá riikka. Go ráđđehus nanne kultuvrra báikkálaččat ja regiovnnalaččat, de mii seammás nannet dan našuvnnalaččat. Mun lean ilus go mii dál beassat hukset ja duohtandahkat nu olu deaŧalaš ja buriid kulturarenaid, lohká kultur- ja dásseárvoministtar Lubna Jaffery.

Oktan boahttevaš jagiid juolludemiiguin ožžot dát ođđa prošeavttat stáhtadoarjjan badjelaš 621 miljovnna ruvnno. Dat lea ođđa prošeavttaid dáfus alimus juolludeapmi máŋgga jahkái, ja lea beali stuorát juolludus go 2024:s.

Prošeavttat leat miehtá riikka ja daid olis bohtet Haugesund ja Porsgrunn gávpogiidda ođđa teáhterlávddit, Urnes stáhpegirku/skielttargirku Lusteris oažžu vistti gallededdjiid vuostáiváldimii ja Juvddálaš museum Oslos ođasmahttojuvvo.

Ođđa prošeavttat 2025:s	Doarjja oktiibuot	Evttohus 2025
Vest-Agder-museet – ođđa museagárdin Odderøyas, Kristiansánddas	139	15
Kode dáiddamuseat ja komponistaruoktu – Lysøen divodeapmi	90	15
Jødisk museum Oslos – oastit ja ođasmahttit ovdalaš synagoga	77,3	7
Museum Nord – Skrei vásáhusguovddáš Lofuohtas, fase 2	56,6	5
Fortidsminneforeningen – Urnes máilmmeárbeguovddás, gallededdjiid vuostáiváldin	53	6
Steinkjer Kulturbygg AS – Prosjekt Jakob, Steinkjer kulturviessu	48	48
Haugesund suohkan – ođđa Haugesund teáhter Frelsen	32,4	5
Grenland Friteater AS – Teaterparken, lávdedáidaga našuvnnalaš guovddáš	26	5
Mjøsmuseet – museumguovddáš Gjøvikhallenis	20	20
Musea i Sogn og Fjordane – Tinghuset oktasašmagasiidna, fase 2	17,1	4
Romssa suohkan –Kulturkvartalet prošekteren	17	7
Voss herad – Gamlekinoen Vossas kulturviessun	17	5
Henie Onstad Kunstsenter – sosiála máŋggabealatvuođa kreatiiva guovddáš	12	4
Stavanger suohkan – ođđa teáhtera ja musea prošekteren	10	10
Museene i Sør-Trøndelag – sirdit Solheim táhteriid ássanbáikki	3	3
Nordlandsmuseet – Bymuseet i Bodø, universála hábmen ja sámi čájáhus	3	3
Oktiibuot	621,4	162