Historjjálaš vuoruheapmi min oktasaš dearvvašvuođabálvalussii

Ođas | Almmustahtton: 09.10.2024 | Dearvvašvuođa- ja fuolahusdepartemeanta

Dearvvašvuohta lea okta dain váldovuoruhemiin 2025 stádabušeahta árvalusas. Ráđđehus árvala earret eará nannet buohcciviesuid 5,5 miljárdda ruvnnuin, go buohtastahttá salderejuvvon bušeahtain 2024. Lagamus buohtastahtti lassáneapmi leai 2008 stádabušeahtas. Dasa lassin árvaluvvo 6,4 miljovnna ruvnno investerendoarjagii buohcciviessovisttiide, 400 miljovnna eambbo psyhkalaš dearvvašvuhtii ja 1500 birrajándora fuolahussadjái boarrásiidfuolahusas.

– Deháleamos bargu mis lea ahte olbmot miehtá riikka galget oažžut dearvvašvuođabálvalusaid, main lea buorre kvalitehta, go dan dárbbašit. Lean hui gába go ráđđehus vuoruha oažžut vulos vuordináiggiid, ođasmahttit buohcciviessovisttiid, nannet psyhkalaš dearvvašvuođa, ja sihkkarastit ahte min vuorasolbmot ožžot oadjebas boarisvuođa, dadjá dearvvašvuođa- ja fuolahusministtar Jan Christian Vestre.

Ráđđehusa dearvvašvuođa- ja fuolahusbušeahttaevttohusa deaŧaleamos doaimmat 2025:

Buohcciviesuide doaibmajuolludus	Lassána 5,5 miljárdda ruvnnuin
Orrut oadjebasat ruovttus- ođastus	325 miljovnna ruvnno 2025 (3250 miljovnna ruvnno juolludusrámma)
Psyhkalaš dearvvašvuođa ja gárrenmirkosuorggi eastadan- ja dikšunođastusa buoridanplána	400 miljovnna ruvnno
Loatnajuolludeamit stuorit buohcciviessoprošeavttaide Bergenis, Stavangeris ja Kristiansandas	80 miljovnna ruvnno 2025 ođđa prošeavttaide (investerenloatna dálá ja ođđa prošeavttaide, birrasiid 6,4 miljárdda ruvnno 2025)
Ođđa doaibmabijut nissondearvvašvuođastrategiijas	13 miljovnna ruvnno
Romssa iskkadeapmi	20 miljovnna ruvnno
Boahkuhanprográmma rávis olbmuide ja riskkavulošjoavkkuide, oktan muittuhusortnegiin	12,3 miljovnna ruvnno
Dearvvašvuođateknologiija, innovašuvdna ja analysavuođđovuogádat	40 miljovnna ruvnno (oktan miljovnna ruvnno Máhttodepartemeantta bušeahtas)
Dievddut dearvvašvuođasuorggis ja Jobbvinner (Bargovuoiti): buoret rekrutteren ja fágabargiidlokten	12 miljovnna ruvnno
Oktasaš fágavuogádat ja diehtovuođđovuogádat bearráigeahččieiseválddiide	11 miljovnna ruvnno