Laanteburrie- jïh beapmoeministere tjiehpies noeride gaavnedi beapmoemæssosne
Ođas | Almmustahtton: 21.03.2025 | Eanadoallo- ja biebmodepartemeanta
Laanteburrie- jïh beapmoeministere Nils Kristen Sandtrøen lij beapmoemæssosne Umami Arena. Desnie åadtjoeji jienebh vuasahtallijh gaavnedidh jïh gaskem jeatjah eadtjohke lïerehtæjjah restauraante- jïh beapmoesuerkesne.
– Dah noerh leah båetije aejkien, jïh dellie joekoen skreejrije noerh gaavnedidh mah ïedtjem utnieh restauraanten jïh beapmoefaagen åvteste, laanteburrie- jïh beapmoeministere Nils Kristen Sandtrøen jeahta.
Vuasahtallemisnie Bovtse – heartoehtæjja doedterisnie Sandtrøen gaavnedi båatsoeburrienoerh jïh learohkh gïeh restauraante- jïh jurjiehtæjjafaagem luhkieh. Daesnie vuasahtallijh dejstie njieljie sïeltijste Arctic Rein og Vilt, Stensaas reinsdyrslakteri, Skodi Rein jïh Finnmark Rein. Staateraerie aaj åadtjoeji meatan tjöökesne årrodh jïh beapmoeh bovtsenbearkojste jurjiehtidh.
UMAMI 2025 lea Nöörjen stööremes sijjie dejtie mah beapmoejgujmie jïh jovkemigujmie berkieh.
UMAMI 2025 “Bovtse – heartoehtæjja doedterisnie” lea ektiemaeksemeprosjekte Bovtsebearkoen maarhnamoenehtsen jïh Innovasjovne Nöörjen gaskem. Innovasjovne Nöörje dejtie njieljie sïeltide veeljeme mah leah meatan. Maarhnamoenehtse sæjhta meatan årrodh UMAMI 2025 åejvieulmine maahtoem tseegkedh bovtsenbearkoen jïh båatsoeburrien bïjre, jïh viehkiehtidh guktie vielie bovtsenbearkoeh doekesovvin hotelle jïh restauraantemaarhnesne.